വീടു വിട്ട ഭര്‍തൃമതിയേയും കാമുകനേയും ഗോവയില്‍ കണ്ടെത്തി

തൃക്കരിപ്പൂര്‍: തൃക്കരിപ്പൂര്‍ തെക്കേ മാണിയാട്ട് നിന്നും വീടു വിട്ട ഭര്‍തൃമതിയെയും കാമുകനേയും പോലീസ്  ഗോവയില്‍ കണ്ടെത്തി. തെക്കേ മാണിയാട്ടെ ചന്ദ്രന്റെ ഭാര്യ എം. സുമതി(42)യെയും കാമുകനായ അയല്‍വാസി.എം.കെ. രാജനെ(45)യുമാണ് ചന്തേര പോലീസ് ഗോവയില്‍ കണ്ടെത്തിയത്. സുമതിയെ വനിതാ പോലീസ് മാണിയാട്ട് കൊണ്ടുവന്നു.

ചന്തേര പോലീസ് സ്റ്റേഷനില്‍ മൊഴി രേഖപ്പെടുത്തിയ ശേഷം യുവതിയെ തിങ്കളാഴ്ച വൈകിട്ടോടെ ഹൊസ്ദുര്‍ഗ് ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് (രണ്ട്) കോടതിയില്‍ ഹാജരാക്കി. 2013 ജൂലായ് 10 നാണ് സുമതി രാജനോടൊപ്പം വീടു വിട്ടത്. ചന്ദ്രന്റെയും സമുതിയുടെയും പ്രണയവിവാഹമായിരുന്നു. വീട്ടുകാരുടെ എതിര്‍പ്പ് മറികടന്നാണ് ഇവര്‍ വിവാഹിതരായത്. ഇതിനിടയിലാണ് സുമതി രാജനുമായി അടുപ്പത്തിലായത്.

12 വര്‍ഷം മുമ്പ് ഭാര്യയുമായുള്ള ബന്ധം ഉപേക്ഷിച്ച ആളാണ് രാജന്‍. ഇതിനിടയില്‍ വിവരംബന്ധുക്കള്‍ അറിഞ്ഞതോടെയാണ് ഇരുവരും വീടുവിട്ടത്. വാര്‍പ്പ് തൊഴിലാളിയായ ഭര്‍ത്താവ് ചന്ദ്രന്റെ പരാതിയില്‍ സുമതിയെ കാണാതായതിന് ചന്തേര പോലീസ് കേസെടുത്ത് അന്വേഷിച്ചുവരുന്നതിടിയിലാണ് രാജനുമൊപ്പം ഗോവയില്‍ കണ്ടെത്തിയത്.

ഫര്‍ണിച്ചര്‍ സാധനങ്ങള്‍ തവണ വ്യവസ്ഥയില്‍ വിതരണം ചെയ്യുന്ന ആളായ രാജന്‍ തന്റെ ഭാര്യയെ പ്രലോഭിപ്പിച്ച് കൊണ്ടുപോയി രഹസ്യ കേന്ദ്രത്തില്‍ പാര്‍പ്പിച്ചിരിക്കുകയാണെന്നാണ് ചന്ദ്രന്‍ പോലീസില്‍ നല്‍കിയ പരാതി. പ്ലസ്‌വണിനും ഏഴാം തരത്തിലും പഠിക്കുന്ന രണ്ടു കുട്ടികളെ ഉപേക്ഷിച്ചാണ് സുമതി രാജനോടൊപ്പം പോയത്. രാജന് ഭാര്യയും കുട്ടികളുമുണ്ട്.

Also read:
വിവാഹനിശ്ചയം കഴിഞ്ഞ മകളെ കാണാനില്ല; മാതാവ് കിണറ്റില്‍ ചാടി മരിച്ച നിലയില്‍

Keywords: Missing, House-wife, Kasaragod, Goa, Sumathi, Lovers, Kerala, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.