പ്ലസ് വണ്ണിനു പ്രവേശനം ലഭിച്ചില്ല; വീടുവിട്ട വിദ്യാര്‍ത്ഥിനിയെ മൈസൂരില്‍ കണ്ടെത്തി

കാസര്‍കോട്: പ്ലസ് വണ്ണിന് പ്രവേശനം ലഭിക്കാത്തതില്‍ മനംനൊന്ത് വീടുവിട്ട 17 കാരിയെ മൈസൂരില്‍ കണ്ടെത്തി.  പോലീസ് ഫസ്റ്റ് ക്ലാസ് മജിസ്‌ട്രേറ്റ് കോടതിയില്‍ ഹാജരാക്കിയ പെണ്‍കുട്ടിയെ മാതാപിതാക്കളോടൊപ്പം പറഞ്ഞയച്ചു. ഇക്കഴിഞ്ഞ എസ്.എസ്.എല്‍.സി പരീക്ഷയില്‍ സാമാന്യം നല്ല മാര്‍ക്കുണ്ടായിരുന്നിട്ടും പ്ലസ് വണ്ണിന് അഡ്മിഷന്‍ ലഭിച്ചിരുന്നില്ല. ഇതില്‍ മനംനൊന്ത പെണ്‍കുട്ടി വീട്ടിലാരോടും പറയാതെ ഇറങ്ങിപ്പോകുകയായിരുന്നു.

 പെണ്‍കുട്ടിയെ കാണാതായതിനെ തുടര്‍ന്ന് വീട്ടുകാര്‍ ബദിയഡുക്ക പോലീസില്‍ നല്‍കിയ പരാതിയുടെ അടിസ്ഥാത്തില്‍ അന്വേഷണം നടത്തിവരുന്നതിനിടയിലാണ് മൈസൂര്‍ റെയില്‍വേ സ്റ്റേഷന്‍ പരിസരത്ത്
സംശയാസ്പദമായ രീതിയില്‍ പെണ്‍കുട്ടിയെ കണ്ടെത്തിയത്.

തുടര്‍ന്ന് മൈസൂര്‍ പോലീസ് പെണ്‍കുട്ടിയെ കസ്റ്റഡിയിലെടുത്ത് ചോദ്യം ചെയ്തപ്പോഴാണ് വീട്ടുവിട്ടു വന്നതാണെന്ന വിവരമറിയുന്നത്. തുടര്‍ന്ന് ബദിയഡുക്ക പോലീസിനെ വിവരമറിക്കുകയും പെണ്‍കുട്ടിയെ കൈമാറുകയുമായിരുന്നു.

Keywords:  Kasaragod, Badiyadukka, Girl, Missing, Court, Complaint, Police, Kerala,Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.