അമിത വൈദ്യുതി പ്രവാഹം: മായിപ്പാടിയില്‍ ഇലക്‌ട്രോണിക് ഉപകരണങ്ങള്‍ കത്തിനശിച്ചു

കാസര്‍കോട്: അമിത വൈദ്യുതി പ്രവാഹത്തെ തുടര്‍ന്ന് മായിപ്പാടിയില്‍ ഇലക്‌ട്രോണിക് ഉപകരണങ്ങള്‍ കത്തി നശിച്ചു. തിങ്കളാഴ്ച പുലര്‍ചെ ഒന്നരയോടെയാണ് പ്രദേശത്തെ ലൈനുകളില്‍ അമിത വൈദ്യുതി പ്രവാഹമുണ്ടായത്.

വീടുകളില്‍ ബള്‍ബുകള്‍ പൊട്ടിത്തെറിക്കുകയും ഫാനുകളും മറ്റ് ഇലക്‌ട്രോണിക് ഉപകരണങ്ങളും കത്തി നശിക്കുകയും ചെയ്തു. രാത്രി ഫാനുകള്‍ കത്തിയതിനെതുടര്‍ന്ന് നിലയ്ക്കുകയും വീടുകളില്‍ കത്തിക്കരിഞ്ഞ മണം വ്യാപിക്കുകയുമായിരുന്നു. ബള്‍ബിട്ടപ്പോഴാണ് അവ പൊട്ടിത്തെറിച്ചത്.

നെല്ലിക്കുന്ന് സബ് സ്റ്റേഷനില്‍ നിന്നാണ് ഇവിടേക്ക് വൈദ്യുതി വിതരണം ചെയ്യുന്നത്. സംഭവം സംബന്ധിച്ച് അധികൃതരെ വിവരമറിയിച്ചെങ്കിലും അവര്‍ തിരിഞ്ഞു നോക്കിയില്ലെന്ന് പരാതിയുണ്ട്.

Keywords:  Maipady, Fire, House, Nellikunnu, Case, Kasaragod, Kerala, Kerala News, International News, National News, Gulf News, Health News, Educational News, Business News, Stock News, Gold News.