സാങ്കേതിക മികവിലൂടെ വിദ്യാഭ്യാസ നിലവാരം ഉയര്‍ത്തണം: പ്രണബ് മുഖര്‍ജി

കാസര്‍കോട്: നൂതന സാങ്കേതിക വിദ്യയുടെ വികാസം ഇന്ത്യയുടെ ഉന്നത വിദ്യാഭ്യാസമേഖലയുടെ മികവ് ഉയര്‍ത്തുവാന്‍ പ്രയോജനപ്പെടുത്തണമെന്ന് രാഷ്ട്രപതി പ്രണബ് മുഖര്‍ജി ഉദ്‌ഘോഷിച്ചു. പുതു വര്‍ഷത്തിൽ നാഷണല്‍ നോളജ് നെറ്റ്‌വര്‍ക്കിലൂടെ ഇന്ത്യയിലെ കേന്ദ്ര വിദ്യഭ്യാസ സ്ഥാപനങ്ങളെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.

2013 ഫബ്രുവരി മാസത്തില്‍ രാഷ്ട്രപതി ഭവനില്‍ വിളിച്ചുചേര്‍ത്ത കേന്ദ്രസര്‍വ്വകലാശാല വൈസ്ചാന്‍സലര്‍മാരുടെയും, എന്‍.ഐ.ടി ഡയറക്ടര്‍മാരുടെയും യോഗത്തില്‍ ഇന്ത്യയിലെ ഉന്നത വിദ്യഭ്യാസ സ്ഥാപനങ്ങളെ നാഷണല്‍ നോളജ് നെറ്റ്‌വര്‍ക്കിലൂടെ ബന്ധിപ്പിക്കുവാന്‍ തീരാമാനിച്ചിരുന്നു. ഇത് രാജ്യത്തെ വിദ്യഭ്യാസ സ്ഥാപനങ്ങളെ ലോകനിലവാരത്തിലേക്ക് കൊണ്ട്‌വരാന്‍ പ്രയോജനപ്പെടുമെന്ന് അദ്ദേഹം പറഞ്ഞു.
ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.