പാക്കറ്റ് പാലിനുള്ളില്‍ പിടയ്ക്കുന്ന മണ്ണിര!

By Web Desk - MainJun 7, 2014, 16:46 IST

ഉപ്പള: (www.kasargodvartha.com 07.06.2014) പാക്കറ്റ് പാലിനുള്ളില്‍ ജീവനുള്ള മണ്ണിരയെ കണ്ടെത്തി. കര്‍ണാടകയില്‍ നിന്നും ഉപ്പളയില്‍ വിതരണത്തിനെത്തിച്ച പാല്‍ പാക്കറ്റിലാണ് ജീവനുള്ള മണ്ണിരയെ കണ്ടെത്തിയത്. പത്വാടിയിലെ അഷ്‌റഫ് ഉപ്പള ടൗണില്‍ നിന്നും വാങ്ങിയ പാല്‍ വീട്ടില്‍ കൊണ്ടുപോയി നോക്കിയപ്പോഴാണ് മണ്ണിരയെ കണ്ടെത്തിയത്.

പാല്‍ പാക്കറ്റ് കടക്കാരന്‍ മാറ്റി നല്‍കാന്‍ തയ്യാറായെങ്കിലും പരിശുദ്ധമെന്ന് അവകാശപ്പെടുന്ന പാക്കറ്റ് പാലിനകത്ത് എങ്ങനെ മണ്ണിര വന്നുവെന്ന് വ്യക്തമായില്ല. അതേസമയം പാലിന് കൊഴുപ്പ്കൂട്ടാനും അളവ് വര്‍ദ്ധിപ്പിക്കാനും വേണ്ടി പാലില്‍ മണ്ണിരയെ ചേര്‍ക്കാറുണ്ടെന്നും അങ്ങനെ ചേര്‍ത്ത മണ്ണിരയെ നീക്കം ചെയ്യുന്ന സമയത്ത് അബദ്ധത്തില്‍ പാക്കറ്റില്‍ കുടുങ്ങിപ്പോയതാകാമെന്നും സംശയിക്കുന്നു. സംഭവം നാട്ടില്‍ സജീവ ചര്‍ച്ചയ്ക്ക് വഴിവെച്ചിട്ടുണ്ട്.