Bizarre | പരീക്ഷാർഥിയുടെ ഹോൾ ടികറ്റ് പരുന്ത് റാഞ്ചി; പിന്നീട് സംഭവിച്ചത്

കാസർകോട്: (KasargodVartha) വകുപ്പ് തല പരീക്ഷയ്ക്ക് എത്തിയ ഒരു പരീക്ഷാർത്ഥിയുടെ ഹോൾ ടിക്കറ്റ് പരുന്ത് റാഞ്ചിയത് കൗതുകകരമായ സംഭവമായി. പരീക്ഷ എങ്ങനെ എഴുതുമെന്ന ആശങ്കയിൽ നിന്നിരുന്ന പരീക്ഷാർത്ഥിക്ക് അവസാന നിമിഷം അത്ഭുതകരമായ രക്ഷ ലഭിച്ചു. പരീക്ഷ തുടങ്ങുന്നതിന് തൊട്ടുമുന്‍പ് പരുന്ത് ഹോൾ ടിക്കറ്റ് താഴെയിട്ടു. കാസർകോട് ഗവൺമെൻ്റ് യുപി സ്കൂളിലാണ് വ്യാഴാഴ്ച രാവിലെ ഈ അസാധാരണ സംഭവം അരങ്ങേറിയത്.
രാവിലെ 7.30-ന് സർക്കാർ ഉദ്യോഗസ്ഥരുടെ വകുപ്പുതല പരീക്ഷ നടക്കാനിരിക്കുകയായിരുന്നു. ഏഴുമണിയോടെ തന്നെ പരീക്ഷാർത്ഥികൾ സ്കൂളിൽ എത്തിത്തുടങ്ങി. ഇതിനിടയിലാണ് ഒരു പരുന്ത് ഒരു പരീക്ഷാർത്ഥിയുടെ കയ്യിലിരുന്ന ഹോൾ ടിക്കറ്റ് കൊത്തിക്കൊണ്ടു പറന്നത്. കെട്ടിടത്തിന് മുകളിൽ ഹോൾ ടിക്കറ്റുമായി പരുന്ത് ഇരിക്കുന്നത് കണ്ട പരീക്ഷാർത്ഥികളും മറ്റുള്ളവരും പരിഭ്രാന്തരായി. ഏകദേശം 300 ഓളം പരീക്ഷാർത്ഥികൾ അവിടെ എത്തിയിരുന്നു. ഇവരെല്ലാം ബഹളം വെച്ചെങ്കിലും പരുന്ത് ഹോൾ ടിക്കറ്റ് താഴെയിട്ടില്ല.
പരീക്ഷ എഴുതാൻ കഴിയില്ലെന്ന് വിചാരിച്ച് വിഷമിച്ചിരുന്ന പരീക്ഷാർത്ഥിക്ക് അപ്രതീക്ഷിതമായി അവസാന ബെല്ലിന് തൊട്ടുമുന്‍പ് ആശ്വാസമെത്തി. പരുന്ത് ഹാൾ ടിക്കറ്റ് താഴേക്കിട്ട ശേഷം പറന്നുപോയി. തുടർന്ന് ആ പരീക്ഷാർത്ഥി പരീക്ഷ എഴുതി മടങ്ങുകയും ചെയ്തു. ഈ അപൂർവ്വ സംഭവം പരീക്ഷാ ഹോളിൽ ആകാംഷയും കൗതുകവും നിറച്ചു.
ഈ കൗതുകകരമായ വാർത്ത നിങ്ങളുടെ സുഹൃത്തുക്കളുമായി പങ്കുവെക്കൂ! നിങ്ങളുടെ അഭിപ്രായങ്ങളും താഴെ കമന്റ് ബോക്സിൽ രേഖപ്പെടുത്താമല്ലോ.

A bizarre incident occurred at a Government UP School in Kasaragod where an eagle snatched the hall ticket of a candidate who had arrived for a departmental examination. The anxious candidate was in a fix about how to attend the exam. However, in a miraculous turn of events, the eagle dropped the hall ticket just before the final bell rang, allowing the candidate to take the exam. Around 300 other candidates witnessed this unusual event, which created curiosity and suspense at the examination hall.
 

#Kasaragod #Eagle #HallTicket #Exam #Miracle #ViralNews