മണല്‍ കടത്തിവരികയായിരുന്ന മിനിലോറി പിടിയില്‍; ഡ്രൈവര്‍ അറസ്റ്റില്‍

By Desk DeltaSep 4, 2015, 09:51 IST

നീലേശ്വരം: (www.kasargodvartha.com 04/09/2015) അനധികൃതമായി മണല്‍ കടത്തിവരികയായിരുന്ന മിനിലോറി പോലീസ് പിടിയിലായി. വ്യാഴാഴ്ച നീലേശ്വരം ഓര്‍ച്ചയില്‍ വാഹനപരിശോധന നടത്തുകയായിരുന്ന പോലീസ് സംഘമാണ് രേഖകളില്ലാതെ പുഴ മണല്‍ കയറ്റിവരികയായിരുന്ന കെ എല്‍ 13 എം-2142 നമ്പര്‍ മിനിലോറി പിടികൂടിയത്.

ലോറി ഡ്രൈവര്‍ പള്ളിക്കര റെയില്‍വെ ഗേറ്റിന് സമീപം താമസിക്കുന്ന ദിനേശനെ(26) പോലീസ് അറസ്റ്റ് ചെയ്തു. കാസര്‍കോട് ജില്ലയിലെ വിവിധ ഭാഗങ്ങളില്‍ അനധികൃതമണല്‍ക്കടത്ത് വര്‍ദ്ധിക്കുകയാണ്.