ഹയര്‍സെക്കന്‍ഡറിയെ ഡി പി ഐ യില്‍ ലയിപ്പിക്കരുതെന്നു എച്ച് എസ് എസ് ടി എ
Feb 5, 2017, 10:36 IST
നീലേശ്വരം: (www.kasargodvartha.com 05.02.2017) ഹയര്‍സെക്കന്‍ഡറിയെ ഡി പി ഐ യില്‍ ലയിപ്പിക്കരുതെന്നു ഹയര്‍സെക്കന്‍ഡറി സ്‌കൂള്‍ ടീച്ചേഴ്‌സ് അസോസിയേഷന്‍ (എച്ച് എസ് എസ് ടി എ) സംസ്ഥാന സമ്മേളനം ആവശ്യപ്പെട്ടു.
ഈ നീക്കം നല്ല നിലയില്‍ പ്രവര്‍ത്തിക്കുന്ന മേഖലയുടെ ഗുണനിലവാര തകര്‍ച്ചയ്ക്കു കാരണമാകുമെന്നു യോഗം വിലയിരുത്തി. നീക്കത്തില്‍ നിന്നും സര്‍ക്കാര്‍ പിന്മാറിയില്ലെങ്കില്‍ ശക്തമായ സമരത്തിനു നേതൃത്വം നല്‍കാനും സമ്മേളനത്തില്‍ തീരുമാനിച്ചു. ജൂനിയര്‍ - സീനിയര്‍ പ്രശ്‌നം, പ്രിന്‍സിപ്പല്‍ പ്രമോഷന്‍, ജോലിഭാരം തുടങ്ങിയ വിഷയങ്ങള്‍ക്കു പരിഹാരം, ഗുണമേന്മ ഉറപ്പാക്കിക്കൊണ്ടുള്ള അധ്യാപക പരിശീലനം എന്നീ ആവശ്യങ്ങളും ഉന്നയിച്ചു.
അധ്യാപക പരിശീലനത്തിലും മോണിറ്ററിങ്ങിലും ഒരു വിഭാഗത്തെ മാത്രം ഉള്‍പ്പെടുത്തി ഇവയെല്ലാം പ്രഹസനമാക്കുന്ന ഡയറക്ടറേറ്റിന്റെയും എസ് സി ഇ ആര്‍ ടി യുടെയും നടപടികള്‍ അവസാനിപ്പിക്കണമെന്നും യോഗം ആവശ്യപ്പെട്ടു.
പുതിയ ഭാരവാഹികളായി എം രാധാകൃഷ്ണന്‍ (പ്രസിഡന്റ്), ഡോ. സാബുജി വര്‍ഗീസ് (ജനറല്‍ സെക്രട്ടറി), ആര്‍ മണികണ്ഠന്‍ (സീനിയര്‍ വൈസ് പ്രസിഡന്റ്), ആര്‍ രാജീവന്‍ (ട്രഷറര്‍).
Tags
Share this story
