ഗുരവനത്തെ ഡ്രൈവിംഗ് ടെസ്റ്റ് ഗ്രൗണ്ടില്‍ നിര്‍ത്തിയിട്ട കാറിന്റെ ഡിക്കിയില്‍ സൂക്ഷിച്ചിരുന്ന 2370 ഡോളറും, 96,000 രൂപയും മോഷണം പോയി

By Web Desk SUAug 14, 2018, 22:14 IST

കാഞ്ഞങ്ങാട്: (www.kasargodvartha.com 14.08.2018) കാറിന്റെ ഡിക്കിയില്‍ സൂക്ഷിച്ചിരുന്ന 2370 ഡോളറും, 96,000 രൂപയും മോഷണം പോയി. മാലോം ചുള്ളിയിലെ സജി തോമസിന്റെ കാറില്‍ നിന്നുമാണ് വന്‍തുക മോഷണം പോയത്. തിങ്കളാഴ്ച രാവിലെ ഗുരുവനത്തെ ഡ്രൈവിംഗ് ടെസ്റ്റ് ഗ്രൗണ്ടിലായിരുന്നു സംഭവം.

ഡ്രൈവിംഗ് ടെസ്റ്റിനായി ഗുരുവനത്തെത്തിയ സജി കാര്‍ ടെസ്റ്റിംഗ് ഗ്രൗണ്ടിന് സമീപം നിര്‍ത്തിയിട്ടതായിരുന്നു. പിന്നീട് വീട്ടില്‍ എത്തിയപ്പോഴാണ് ബാഗില്‍ സൂക്ഷിച്ച പണം നഷ്ടപ്പെട്ടതായി അറിഞ്ഞത്. ഹൊസ്ദുര്‍ഗ് പോലീസ് കേസെടുത്ത് അന്വേഷണം നടത്തിവരുന്നു.