നായ കടിയേറ്റ് ചികിത്സയിലായിരുന്ന 10 വയസ്സുകാരനെ അതേ നായ വീണ്ടും കടിച്ചു

കാസര്‍കോട്: (www.kasargodvartha.com 31.05.2014) കടിച്ച നായ ചികിത്സ കഴിഞ്ഞെത്തിയ 10 വയസുകാരനെ കൂട് പൊളിച്ച് വന്ന് വീണ്ടും കടിച്ചു പരിക്കേല്‍പ്പിച്ചു. സീതാഗോളി പള്ളത്തടുക്കയിലെ രാഘവന്റെ മകന്‍ ശ്രീജിത്തിനെ(10)യാണ് വളര്‍ത്തുനായ ആക്രമിച്ചത്.

വെള്ളിയാഴ്ച രാത്രി വീട്ടില്‍വെച്ച് കൈക്ക് നായ കടിച്ച ശ്രീജിത്തിനെ രാത്രി തന്നെ കാസര്‍കോട് ജനറല്‍ ആശുപത്രിയില്‍ പ്രവേശിപ്പിച്ചിരുന്നു. പട്ടിയെ കൂട്ടിലടക്കുകയും ചെയ്തിരുന്നു. രാവിലെ കുത്തിവെപ്പ് നടത്തി ആശുപത്രിയില്‍ നിന്നും വീട്ടില്‍ തിരിച്ചെത്തിയ ശ്രീജിത്തിനെ വളര്‍ത്തുനായ കൂട് പൊളിച്ച് വന്ന് വീണ്ടും കടിക്കുകയായിരുന്നു.

കുട്ടിയുടെ കീഴ് ചുണ്ടിനാണ് പട്ടികടിച്ചത്. ഇതേതുടര്‍ന്ന് വീണ്ടും കുട്ടിയെ കാസര്‍കോട് ജനറല്‍ ആശപത്രിയില്‍ പ്രവേശിപ്പിച്ചു.