വില കുറഞ്ഞ മദ്യം ബീവ്‌റേജില്‍ നിന്ന് വാങ്ങി കൂടിയ വിലക്ക് വില്‍ക്കും, അവധി ദിവസങ്ങളില്‍ പൊടിപൊടിച്ച് വില്‍പന; കൊയാമ്പുറത്ത് നാട്ടുകാരുടെ ഉറക്കം കെടുത്തി 'ദിനേശ് ബാര്‍'

നീലേശ്വരം: (www.kasargodvartha.com 25/11/2017) വില കുറഞ്ഞ മദ്യം ബീവ്‌റേജില്‍ നിന്ന് വാങ്ങി കൂടിയ വിലക്ക് വില്‍ക്കുന്ന 'ദിനേശ് ബാര്‍' നാട്ടുകാരുടെ ഉറക്കം കെടുത്തുന്നു. കൊയാമ്പുറത്തെ ദിനേശ് ബാറിനെതിരെയാണ് നാട്ടുകാര്‍ രംഗത്തെത്തിയത്. മദ്യം അവധി ദിവസങ്ങളില്‍ വില്‍പന പൊടിപൊടിക്കും. ദൂരദേശങ്ങളില്‍ നിന്നും മദ്യം വാങ്ങാന്‍ ആളുകള്‍ കൊയാമ്പുറത്ത് എത്താറുണ്ട്.

രാതിയായാല്‍ ഗ്ലാസും വെള്ളവും ടച്ചിംഗും കിട്ടും. മദ്യപിച്ച് ബഹളമുണ്ടാക്കുന്നത് നിത്യ സംഭവമാണ്. ഈ അനധികൃത മദ്യവില്‍പനക്കെതിരെ പ്രതികരിക്കാന്‍ കുടുംബശ്രീയോ ഡിവൈഎഫ്‌ഐ സംഘടനകളോ തയ്യാറാകുന്നില്ല. എല്ലാ മാസവും ഒന്നാം തിയ്യതി ദൂരദേശത്തു നിന്നുമുള്ള മദ്യപാനികള്‍ കൊയാമ്പുറത്തേക്ക് എത്തുന്നുണ്ട്.