സർക്കാരി ഉന്നതിയിൽ ജില്ലാ പൊലീസ് മേധാവിയുടെ സന്ദർശനവും അദാലത്തും; നേരിട്ട് കേട്ട് പരിഹരിച്ചത് 44-ലധികം പരാതികൾ

കാസർകോട്: (KasargodVartha) ജില്ലാ പൊലീസ് മേധാവിയുടെ പരാതി പരിഹാര അദാലത്തും ഉന്നതി സന്ദർശനവും നടന്നു. ചിറ്റാരിക്കാൽ പൊലീസ് സ്റ്റേഷൻ പരിധിയിൽ കടുമേനി പട്ടേങ്ങാനം സർക്കാരി ഉന്നതിയിലാണ് ജില്ലാ പൊലീസ് മേധാവി സന്ദർശനവും പരാതി പരിഹാര അദാലത്തും നടത്തിയത്. ഈസ്റ്റ് എളേരി ഗ്രാമപഞ്ചായത്ത് പ്രസിഡൻ്റ് മേഴ്സി മണി അധ്യക്ഷത വഹിച്ച ചടങ്ങിൽ കാസർകോട് ജില്ലാ പൊലീസ് മേധാവി പി നിധിൻരാജ് ഐപിഎസ് ഉദ്ഘാടനം ചെയ്ത് സംസാരിച്ചു.

പങ്കെടുത്ത പ്രമുഖർ

കാസർകോട് ജില്ലാ സ്പെഷ്യൽ മൊബൈൽ സ്ക്വാഡ് ഡിവൈഎസ്പി ടി ഉത്തംദാസ് പരാതി അദാലത്ത് സംബന്ധമായ ആമുഖ പ്രസംഗം നടത്തി. ഈസ്റ്റ് എളേരി ഗ്രാമപഞ്ചായത്ത് വൈസ് പ്രസിഡൻ്റ് ജോസഫ് മുത്തോളി, വാർഡ് മെമ്പർ ടി എ അയൂബ്, ഊരുമൂപ്പൻ അനീഷ്, പ്രൊമോട്ടർ മനു, മലവേട്ടുവ സമുദായ ജില്ലാ സെക്രട്ടറി പി കെ കുഞ്ഞിരാമൻ എന്നിവർ സംസാരിച്ചു. 

ഇതിന് പുറമെ വിവിധ തദ്ദേശ സ്വയംഭരണ സ്ഥാപനങ്ങൾ, വിദ്യാഭ്യാസം, ആരോഗ്യം, എക്സൈസ്, ഫോറസ്റ്റ്, സപ്ലൈ ഓഫീസ്, വില്ലേജ് ഓഫീസ്, ട്രൈബൽ ഡെവലപ്മെൻ്റ് ഓഫീസ് എന്നിവിടങ്ങളിലെ ഉദ്യോഗസ്ഥരും ആശാ വർക്കർമാരും ഉന്നതി നിവാസികളും പ്രദേശവാസികളും ചടങ്ങിൽ സംബന്ധിച്ചു.

പരാതികളിൽ പരിഹാരം

തുടർന്ന് നടന്ന പരാതി പരിഹാര അദാലത്തിൽ 44-ലധികം പരാതികൾ ജില്ലാ പൊലീസ് മേധാവി നേരിട്ട് കേട്ട് പരിഹാരം നിർദേശിച്ചു. ചടങ്ങിൽ വെള്ളരിക്കുണ്ട് സി ഐ നളിനാക്ഷൻ സ്വാഗതവും ചിറ്റാരിക്കാൽ എസ്എച്ച്ഒ കൂടിയായ എസ്ഐ പി ആർ ശരത് നന്ദിയും പറഞ്ഞു.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം.

Article Summary: District Police Chief P. Nithinraj IPS inaugurated a grievance adalat and visited Sarkari Unnathi in Kadumeni Pattenganam, resolving over 44 complaints directly.

#KasargodVartha #KasaragodPolice #GrievanceAdalat #KeralaPolice #KasaragodNews #ChittarikkalPolice #PNithinrajIPS #MalayalamNews #AparnaNews