ജില്ലാ മുഅല്ലിം മഹര്‍­ജാന്‍ ബു­ധ­നാഴ്ച

കാസര്‍കോട്: സുന്നി ജംഇയ്യത്തുല്‍ മുഅല്ലിമീന്‍ ആവിഷ്­കരിച്ച മു­അല്ലിം മഹര്‍ജാന്‍ കലാമത്സര പരിപാടി ബു­ധ­നാഴ്ച പെരിയടുക്ക സി എം മടവൂര്‍ സ്­മാരക സുന്നി മദ്‌­റസയില്‍ നട­ക്കും. രാവിലെ ഒമ്പതിന് ജില്ലാ മഹര്‍ജാന്‍ സമിതി ചെയര്‍മാന്‍ ഇബ്‌­റാഹിം സഅദി മുഗു പതാക ഉയര്‍ത്തും. എസ് കെ കുഞ്ഞിക്കോയ തങ്ങളുടെ പ്രാര്‍ഥനയോടെ ആരംഭിക്കുന്ന ഉദ്ഘാടന സെഷന്‍ ജില്ലാ എസ് ജെ എം പ്രസിഡന്റ് കൊല്ലമ്പാടി
അബ്ദുല്‍ ഖാദിര്‍ സഅദിയുടെ അധ്യക്ഷതയില്‍ സയ്യിദ് ഇബ്‌­റാഹിം പൂ­ക്കുഞ്ഞി തങ്ങള്‍ കല്ലക്കട്ട ഉദ്ഘാടനം ചെയ്യും. എസ് വൈ എസ് ജില്ലാ സെക്രട്ടറി സുലൈമാന്‍ കരിവെള്ളൂര്‍ മുഖ്യപ്രഭാഷണം നട­ത്തും.

വൈകിട്ട് അഞ്ചിന് നടക്കുന്ന സമാപന സംഗമം എസ് ജെ എം ജില്ലാ സെക്രട്ടറി സി കെ അബ്ദുല്‍ ഖാദിര്‍ ദാരിമിയുടെ അധ്യക്ഷതയില്‍ ജില്ലാ ഇന്‍ഫര്‍­മേഷന്‍ ഓഫീസര്‍ കെ അബ്ദുറഹ്മാന്‍ ഉദ്ഘാടനം ചെയ്യും. വിജയികളാകുന്ന റെയ്ഞ്ചുകള്‍ക്കുള്ള ട്രോഫി എസ് വൈ എസ് സംസ്ഥാന എക്‌­സിക്യൂട്ടീവംഗം ബി
എസ് അബ്ദുല്ലക്കുഞ്ഞി ഫൈസി സമ്മാനിക്കും. അ­ഞ്ച്, ഏഴ്, പത്ത് ക്ലാസുകളില്‍ നടന്ന പൊതുപരീക്ഷയില്‍ ജില്ലയില്‍ കൂടുതല്‍ മാര്‍ക്ക് വാങ്ങിയ വിദ്യാര്‍ഥികള്‍ക്കുള്ള അവാര്‍ഡ് എസ് വൈ എസ് ജില്ലാ പ്രസിഡന്റ്
പള്ളങ്കോട് അബ്ദുല്‍ ഖാദിര്‍ മദനി വിതരണം ചെയ്യും.