കാസര്‍കോട്ടെ പോലീസ് ഇനി ആരേയും പീഡിപ്പിക്കില്ലെന്ന് MLA യ്ക്ക് DGP യുടെ ഉറപ്പ്
Dec 10, 2012, 22:45 IST
ഇതുസംബന്ധിച്ച് പരിഹാരം ഉണ്ടാക്കാന്‍ എ.ഡി.ജിപിക്ക് നിര്‍ദേശം നല്‍കിയതായും ഡി.ജി.പിയുടെ മറുപടിയില്‍ അറിയിച്ചിട്ടുണ്ട്.
ഡി.സംബര്‍ ആറിന് മുന്നോടിയായി കാസര്‍കോട്ട് ബൈക്ക് യാത്രക്ക് നിയന്ത്രണം ഏര്‍പെടുത്തിയിരുന്നു. മുന്നറിയിപ്പില്ലാത്ത നിയന്ത്രണംമൂലം നിരവധി യാത്രക്കാര്‍ വലഞ്ഞു. ആവശ്യമായ രേഖകള്‍ കൈവശം ഉണ്ടായിട്ടും പോലീസ് ബൈക്ക് യാത്രക്കാരെ കസ്റ്റഡിയിലെടുക്കുകയും ബൈക്ക് പോലീസ് സ്‌റ്റേഷനില്‍ കൊണ്ടുവെക്കുകയും ചെയ്തു.
പിന്നീട് ദിവസങ്ങള്‍ കഴിഞ്ഞാണ് ബൈക്ക് വിട്ടുകൊടുത്തത്. ബൈക്കുകള്‍ മുന്നറിയിപ്പില്ലാതെ കസ്റ്റഡിയിലെടുത്തതുമൂലം നിരവധിയാത്രക്കാര്‍ക്ക് യാത്രയുടെ ഉദ്ദേശ്യം നിര്‍വഹിക്കാന്‍ കഴിയാതാവുകയും കിലോമീറ്ററുകള്‍ നടന്ന് വീട്ടില്‍തിരിച്ചെത്തേണ്ടി വരികയും ചെയ്തു. പല വിദ്യാര്‍ത്ഥികള്‍ക്കും പഠനം മുടങ്ങുന്ന സ്ഥിതിയും ഉണ്ടായി. ബൈക്ക് യാത്രക്കാരന്റെ കൈവശം ആവശ്യമായ രേഖകള്‍ ഇല്ലെങ്കില്‍ പിഴ ഈടാക്കി വിട്ടയക്കുന്നതിന് പകരം ബൈക്ക് തന്നെ സ്റ്റേഷനിലേക്ക് കൊണ്ടുപോവുകയാണ് പോലീസ് ചെയ്തത്.
യാതൊരു മുന്നറിയിപ്പും നല്‍കാതെ ബൈക്കുകള്‍ക്ക് നിയന്ത്രണം ഏര്‍പെടുത്തിയതുമൂലം നഗരത്തില്‍ സംഘര്‍ഷാവസ്ഥയുടെ പ്രതീതി ഉണ്ടാവുകയും ചെയ്തു. പോലീസിന്റെ സ്ഥാനത്തും അസ്ഥാനത്തുമുള്ള സാന്നിധ്യവും പട്രോളിംഗും ഗുണത്തേക്കാളേറെ ആളുകളില്‍ ഭയാനകമായ അന്തരീക്ഷം സൃഷ്ടിക്കുകയും ചെയ്തു. ഈ സാഹചര്യത്തിലാണ് എം.എല്‍.എ. ഇത്തരം ഒരു അവസ്ഥയ്ക്ക് അറുതിവരുത്തണമെന്നാവശ്യപ്പെട്ടും പൗരന്റെ അവകാശങ്ങള്‍ നിഷേധിക്കുന്ന പോലീസിന്റെ നടപടികള്‍ അവസാനിപ്പിക്കണമെന്നാവശ്യപ്പെട്ടും ഡി.ജി.പിക്ക് കത്തയച്ചത്.
ആ കത്തിന് കഴിഞ്ഞദിവസം ലഭിച്ച മറുപടിയിലാണ് ഇനിമുതല്‍ പോലീസിന്റെ ഭാഗത്തുനിന്ന് ആളുകള്‍ക്ക് പീഡനം ഉണ്ടാകുന്ന തരത്തില്‍ യാതൊരു നടപടിയും ഉണ്ടാകില്ലെന്ന് ഡി.ജി.പി. ഉറപ്പുനല്‍കിയിരിക്കുന്നത്.
Keywords: DIG, MLA, N.A.Nellikunnu, Kasaragod, Police, Bike, Kerala, Letter, Malayalam News, Kerala Vartha, DGP's assurance on police assault in Kasaragod
Tags
Share this story
