തളങ്കരയില്‍ ട്രെയിന്‍ തട്ടി മരിച്ചത് തമിഴ്‌നാട് സ്വദേശി

കാസര്‍കോട്: (www.kasargodvartha.com 17.07.2014) തളങ്കരയില്‍ ട്രെയിന്‍ തട്ടി മരിച്ചയാളെ തിരിച്ചറിച്ചു. തമിഴ്‌നാട് വില്ലുപുരം കല്ലക്കുറിശ്ശിയിലെ അരിക്കാമേരിയുടെ മകന്‍ വേദനായകാണ്(40) മരിച്ചത്. ബുധനാഴ്ച വൈകിട്ട് തളങ്കര കണ്ടത്തില്‍ പള്ളിക്കു പിറകു വശം റെയില്‍വേ ട്രാക്കിനടുത്ത കുറ്റിക്കാട്ടിലാണ് ഇയാളെ മരിച്ച നിലയില്‍ കണ്ടത്. ആദ്യം തിരിച്ചറിഞ്ഞിരുന്നില്ല.

കൂലിത്തൊഴിലാളിയായ വേദനായകത്തെ കാണാതായതിനെ തുടര്‍ന്ന് മറ്റു തൊഴിലാളികള്‍ അന്വേഷിക്കുന്നതിനിടെയാണ് തളങ്കരയില്‍ ട്രെയിന്‍ തട്ടി ഒരാള്‍ മരിച്ച വിവരം അറിഞ്ഞത്.

തുടര്‍ന്ന് ജനറല്‍ ആശുപത്രിയിലെത്തി മൃതദേഹം കണ്ടപ്പോഴാണ് ആളെ തിരിച്ചറിഞ്ഞത്. തളങ്കരയില്‍ വാടകയ്ക്കു താമസിക്കുകയായിരുന്നു. 20 ദിവസം മുമ്പ് നാട്ടില്‍ പോയി വന്നതായിരുന്നു. മേരിയാണ് ഭാര്യ. രണ്ടു മക്കളുണ്ട്.