കേന്ദ്ര സര്‍വകലാശാല നിയമനങ്ങള്‍ റദ്ദാക്കിയ നടപടി സ്വാഗതാര്‍ഹം: കല്ലട്ര മാഹിന്‍ ഹാജി

കാസര്‍കോട്: കേന്ദ്ര സര്‍വകലാശാലയിലെ നിയമനങ്ങള്‍ റദ്ദാക്കുകയും പുതിയ
ഉത്തരവുണ്ടാകുന്നതുവരെ നിയമനങ്ങള്‍ നടത്തരുതെന്നും ഉത്തരവ് പുറപ്പെടുവിച്ച കേന്ദ്ര മാനവ വിഭവ ശേഷി മന്ത്രാലയത്തിന്റെ തീരുമാനം സ്വാഗതാര്‍ഹമാണെന്ന് മുസ്ലീം ലീഗ് ജില്ലാ വൈസ് പ്രസിഡണ്ട് കല്ലട്ര മാഹിന്‍ ഹാജി പ്രസ്താവനയില്‍ പറഞ്ഞു.

പദവിയുടെയും, സ്വാധീനത്തിന്റെയും അടിസ്ഥാനത്തില്‍ സര്‍വലാശാലയില്‍ നിയമനങ്ങള്‍ നടത്തിവന്ന വി.സി.യുടെയും, രജിസ്ട്രാറുടെയും നടപടികള്‍ക്കുള്ള താക്കീതും തിരിച്ചടിയുമാണ് മാനവവിഭവ ശേഷി മന്ത്രാലയത്തിന്റെ ഭാഗത്തുനിന്നും ഉണ്ടായിരിക്കുന്നത്.

കാസര്‍കോടിന്റെ വികസനത്തിന് വഴിമാറേണ്ട സര്‍വലാശാലയെ അഴിമതിയും, സ്വജന പക്ഷപാതവും, പിന്‍വാതില്‍ നിയമനവും നടത്തി തകര്‍ക്കാനുള്ള സര്‍വലാശാല അധികൃതരുടെ നീക്കത്തിനെതിരെ ശക്തമായ ജനവികാരമാണ് ഉയര്‍ന്നത്. ഇതുസംബന്ധിച്ച് സാമൂഹിക-രാഷ്ട്രീയ മേഖലകളിലെ നിരവധി നേതാക്കള്‍ മാനവ വിഭവ ശേഷി മന്ത്രാലയത്തിന് പരാതി നല്‍കിയിരുന്നു. പൊതുജന അഭിപ്രായം മാനിച്ച മന്ത്രാലയത്തിന്റെ നടപടി പ്രശംസനീയവും സര്‍വകലാശാലയുടെ തുടര്‍ന്നുള്ള വളര്‍ചയ്ക്ക് സഹായകരവുമാണെന്ന് മാഹിന്‍ ഹാജി പ്രസ്താവനയില്‍ കൂട്ടിച്ചേര്‍ത്തു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Advertisement:

• മലബാറില്‍ ആദ്യമായി സിമുലേറ്ററിന്റെ സഹായത്തോടെ ഡ്രൈവിംഗ് പരിശീലനം Call: 9400003096
• 2013 ഡിസംബറില്‍ കാസര്‍കോട്ട് നിന്നും പുറപ്പെടുന്ന ഉംറ ബാച്ചിലേക്ക് ബുക്കിംഗ് ആരംഭിച്ചു. വിവരങ്ങള്‍ക്ക് വിളിക്കുക: 9400003090 നിരക്ക്-52,500 മാത്രം
• വൈദ്യുതി മുടക്കമോ? ഉയര്‍ന്ന നിലവാരത്തിലുള്ള ഇന്‍വേര്‍ട്ടറുകളും ബാറ്ററിയും....                     വിളിക്കുക: +91 944 60 90 752
• കറന്റ് ബില്ല് ഷോക്കടിപ്പിച്ചോ? വൈദ്യുതി ലാഭിക്കാം...
  വിളിക്കുക: +91 944 60 90 752