മടക്കരയില്‍ ലീഗ്-സി.പി.എം സംഘര്‍ഷം; വാഹനങ്ങള്‍ തകര്‍ത്തു
Aug 4, 2012, 21:59 IST
ഷരീഫ് മടക്കരയില്‍ എത്തി വിവരം പറഞ്ഞതിനെ തടര്‍ന്ന് ലീഗ് പ്രവര്‍ത്തകര്‍ സംഘടിക്കുകയും സി.പി.എം പ്രവര്‍ത്തകരുമായി ഏറ്റുമുട്ടുകയുമായിരുന്നു. വിവരം അറിഞ്ഞ് കുതിച്ചെത്തിയ പോലീസ് ഇരു വിഭാഗത്തേയും അടിച്ചോടിക്കുകയുമായിരുന്നു.
ഈ പ്രശ്‌നം ഇവിടെ പരിഹരിക്കപ്പെട്ടെങ്കിലും രാത്രി 7.30 മണിയോടെ മടക്കരയില്‍ നിന്നും ചെറുവത്തൂറിലേക്ക് പോകുകയായിരുന്ന മുസ്ലീം ലീഗ് പ്രവര്‍ത്തകന്‍ അബ്ദുല്ല ഹാജിയെ ചെറുവത്തൂര്‍ വില്ലേജ് ഓഫീസ് പരിസരത്തുവെച്ച് ഇന്‍ഡിക്ക കാര്‍ തടഞ്ഞുനിര്‍ത്തി കാര്‍ തകര്‍ക്കുകയും അബ്ദുല്ല ഹാജിയെ മര്‍ദ്ദിക്കുകയും ചെയ്തു. ഇതേ തുടര്‍ന്ന് മടക്കര, കൈതക്കാട്, ചെറുവത്തൂര്‍ പ്രദേശങ്ങളില്‍ സംഘര്‍ഷാവസ്ഥ ഉടലെടുത്തിയിരിക്കുകയാണ്.
നീലേശ്വരം സി.ഐ സി.കെ സുനില്‍കുമാറിന്റെ നേതൃത്വത്തില്‍ വന്‍ പോലീസ് സംഘം സ്ഥലത്ത് ക്യാമ്പ് ചെയ്തുവരികയാണ്.
അതേസമയം തൃക്കരിപ്പൂരില്‍ പ്ലസ്‌വണ്‍ വിദ്യാര്‍ത്ഥിക്ക് മര്‍ദ്ദനമേറ്റു. ഉദിനൂര്‍ ഗവ ഹയര്‍സെക്കന്‍ഡറി സ്കൂളിലെ വിദ്യാര്‍ത്ഥി പടന്നയിലെ ഫയാസ് ജഹാംഗീറിനാ (16)ണ് എടച്ചാക്കൈയില്‍ മര്‍ദ്ദനമേറ്റത്. ജഹാംഗീറിനെ പരിക്കുകളോടെ തൃക്കരിപ്പൂരിലെ സ്വകാര്യആശുപത്രിയില്‍ പ്രവേശിപ്പിച്ചു. സംഭവത്തില്‍ ചന്തേര പോലീസ് കേസെടുത്തു അന്വേഷണം ആരംഭിച്ചു.
മറ്റോരു സംഭവത്തില്‍ തൃക്കരിപ്പൂരില്‍ വ്യാപാരി വ്യവസായി ഏകോപന സമിതി ചെറുവത്തൂര്‍ മേഖലാ പ്രസിഡന്റും തൃക്കരിപ്പൂര്‍ പ്രസാദം ആയുര്‍വേദ ഫാര്‍മസി ഉടമയുമായ കെ വി കൃഷ്ണപ്രസാദിന്റെ വടക്കെകൊവ്വല്‍ കാപ്പിലെ വീടിനു നേരെ കല്ലേറ് നടന്നു. രാത്രി എട്ടരയോടെയാണ് സംഭവം. ബൈക്കുകളിലെത്തിയ സംഘം വീടിനു നേരെ കല്ലെറിയുകയായിരുന്നുവെന്ന് കൃഷ്ണപ്രസാദ് പരാതിപ്പെട്ടു. വീടിന്റെ ജനല്‍ ഗ്ലാസുകള്‍ തകര്‍ക്കപ്പെട്ടു.
Keywords: Kasaragod, Trikaripur, Cheruvathur, Madakkara, Police, IUML, CPM, Clash, Auto, Car, Attack.
Tags
Share this story
