നീലേശ്വരത്ത് സി.പി.എം-കോണ്ഗ്രസ് സംഘര്ഷം; രണ്ട് പേര്ക്ക് പരിക്ക്
Nov 13, 2012, 17:54 IST
ഇരുവരെയും നീലേശ്വരം ആശുപത്രിയില് പ്രവേശിപ്പിച്ചു. അജേഷിന്റെ പരാതി പ്രകാരം കോണ്ഗ്രസ് പ്രവര്ത്തകരായ അനില്, വൈശാഖ്, അശ്വിന് എന്നിവര്ക്കെതിരെയും അനിലിന്റെ പരാതിയില് സി പി എം പ്രവര്ത്തകരായ അജേഷ്, പ്രണവ് എന്നിവര്ക്കെതിരെയുമാണ് കേസ്. മദ്യാസക്തിക്കെതിരെ കടിഞ്ഞിമൂലയില് ഡി വൈ എഫ് ഐ പ്രവര്ത്തകര് തിങ്കളാഴ്ച ക്യാമ്പയിന് സംഘടിപ്പിച്ചിരുന്നു.
പരിപാടി നടന്നു കൊണ്ടിരിക്കെ അനിലിന്റെ നേതൃത്വത്തില് ബൈക്ക് അജേഷിന്റെ ദേഹത്തേക്ക് ഓടിച്ച് കയറ്റി പരിക്കേല്പിക്കുകയായിരുന്നുവെന്ന് ഡി വൈ എഫ് ഐ കേന്ദ്രങ്ങള് ആരോപിച്ചു. അതേസമയം പരിപാടി നടന്നു കൊണ്ടിരിക്കുകയായിരുന്ന സ്ഥലത്ത് കൂടി ബൈക്കില് പോകുമ്പോള് അനിലിനെ സി പി എം-ഡി വൈ എഫ് ഐ പ്രവര്ത്തകര് സംഘം ചേര്ന്ന് ആക്രമിച്ച് പരിക്കേല്പിച്ചുവെന്നാണ് കോണ്ഗ്രസ് വൃത്തങ്ങള് പറയുന്നത്. സംഘര്ഷാവസ്ഥ നിലനില്ക്കുന്നതിനാല് കടിഞ്ഞിമൂലയില് പോലീസ് പിക്കറ്റ് ഏര്പെടുത്തിയിട്ടുണ്ട്.
Keywords: Nileshwaram, CPM, Congress, Clash, Injured, Kasaragod, Kerala, Malayalam news
