റെയില്‍വേ സ്റ്റേഷന്‍ കന്നുകാലികള്‍ കൈയ്യടക്കി; പൊറുതിമുട്ടി യാത്രക്കാര്‍

കാസര്‍കോട്: (www.kasargodvartha.com 10.08.2018) കാസര്‍കോട് റെയില്‍വേ സ്റ്റേഷന്‍ കന്നുകാലികള്‍ കൈയ്യടക്കിയതോടെ യാത്രക്കാര്‍ പൊറുതിമുട്ടി. പത്തിലധികം പശുക്കളാണ് റെയില്‍വേ സ്റ്റേഷനിലും പരിസരപ്രദേശങ്ങളിലും അലഞ്ഞുതിരിയുന്നത്. പ്ലാറ്റ്‌ഫോമിലും പുറത്തും പശുക്കള്‍ ചാണകമിടുന്നതിനാല്‍ യാത്രക്കാര്‍ അതില്‍ ചവിട്ടി യാത്ര ചെയ്യേണ്ട സ്ഥിതിയാണുള്ളത്.

അലഞ്ഞുതിരിയുന്ന പശുക്കളെ പിടികൂടി കാറ്റില്‍ പൗണ്ടിലെത്തിക്കാന്‍ റെയില്‍വേ സ്റ്റേഷന്‍ അധികൃതരോ നഗരസഭ അധികൃതരോ നടപടി സ്വീകരിക്കണമെന്നാണ് യാത്രക്കാര്‍ ആവശ്യപ്പെടുന്നത്. ട്രെയിനിനടിയില്‍പെട്ട് പശുക്കള്‍ അപകടം വരുത്താനും സാധ്യതയുണ്ടെന്ന് യാത്രക്കാര്‍ ചൂണ്ടിക്കാട്ടുന്നു.