വാഹനാപകടത്തില്‍ ദമ്പതികള്‍ക്ക് പരിക്ക്; കാര്‍ ഡ്രൈവര്‍ക്കെതിരെ കേസ്

By Web Desk SNSep 13, 2017, 20:23 IST

കാഞ്ഞങ്ങാട്: (www.kasargodvartha.com 13.09.2017) വാഹനാപകടത്തില്‍ ദമ്പതികള്‍ക്ക് പരിക്കേറ്റ സംഭവത്തില്‍ കാര്‍ ഡ്രൈവര്‍ക്കെതിരെ പോലീസ് കേസെടുത്തു. നെല്ലിത്തറയിലെ പ്രകാശ് ചന്ദ്രയു (40)ടെ പരാതിയില്‍ കെ എല്‍ 58 ഇ 9898 നമ്പര്‍ കാര്‍ ഡ്രൈവറുടെ പേരിലാണ് ഹോസ്ദുര്‍ഗ് പോലീസ് കേസെടുത്തത്. കഴിഞ്ഞ ദിവസം മേലടുക്കത്ത് വെച്ചാണ് പ്രകാശ് ചന്ദ്രയും ഭാര്യയും സഞ്ചരിച്ച് കെ എല്‍ 60 കെ 1770 നമ്പര്‍ ബൈക്കില്‍ കാറിടിച്ചത്.

ഇടിയുടെ ആഘാതത്തില്‍ ബൈക്കില്‍ നിന്നും തെറിച്ചു വീണ ഇവരെ പരിസരവാസികള്‍ സ്വകാര്യ ആശുപത്രിയില്‍ എത്തിക്കുകയായിരുന്നു.