ദമ്പതികള്‍ വിഷം കഴിച്ച് ജീവനൊടുക്കിയ സംഭവത്തില്‍ പോലീസ് കേസെടുത്തു; വിസ റാക്കറ്റിനെതിരെ അന്വേഷണം

രാജപുരം: (www.kasargodvartha.com 11/07/2017) യുവദമ്പതികളെ വീട്ടിനകത്ത് വിഷം കഴിച്ച് മരിച്ച നിലയില്‍ കണ്ടെത്തിയ സംഭവത്തില്‍ പോലീസ് കേസെടുത്ത് അന്വേഷണം ഊര്‍ജ്ജിതമാക്കി. കോളിച്ചാല്‍ എരിഞ്ഞിലംകോട് ഭജനമഠത്തിന് സമീപത്തെ ദിവാകരന്റെ മകന്‍ സുനില്‍(32), ഭാര്യ ജയലക്ഷ്മി(27) എന്നിവരുടെ മരണവുമായി ബന്ധപ്പെട്ട് കാഞ്ഞങ്ങാട് ഡിവൈഎസ്പി ദാമോദരന്റെ നേതൃത്വത്തിലാണ് അന്വേഷണം നടക്കുന്നത്.

തിങ്കളാഴ്ച രാവിലെയാണ് ദമ്പതികളെ വീട്ടിനകത്ത് മരിച്ച നിലയില്‍ കണ്ടെത്തിയത്. വിസ റാക്കറ്റിന്റെ കെണിയില്‍ അകപ്പെട്ട് സുനിലിന് അരക്കോടിയോളം രൂപയുടെ സാമ്പത്തിലക ബാധ്യത നേരിട്ടിരുന്നു. പലരില്‍ നിന്നുമായി സ്വരൂപിച്ച തുകകള്‍ വിസ ഏജന്‍സിയെ സുനില്‍ ഏല്‍പ്പിച്ചിരുന്നു. എന്നാല്‍ ഈ പണവുമായി ഏജന്‍സി മുങ്ങുകയാണുണ്ടായത്.


ഇതോടെ കടുത്ത മാനസിക വിഷമത്തിലായ സുനില്‍ ഭാര്യ ജയലക്ഷ്മിക്ക് പാലില്‍ വിഷം ചേര്‍ത്ത് നല്‍കി ജീവനൊടുക്കുകയായിരുന്നു. വിസറാക്കറ്റിനെതിരെ പോലീസ് അന്വേഷണം നടത്തിവരികയാണ്.