കൗണ്‍സിലറുടെ ചെളിവെള്ളത്തില്‍ കിടന്നുള്ള പ്രതിഷേധം അധികൃതരുടെ കണ്ണുതുറപ്പിച്ചു; ഞാണിക്കടവില്‍ കുഴിയടക്കല്‍ പ്രവര്‍ത്തി തുടങ്ങി

കാഞ്ഞങ്ങാട്: (www.kasargodvartha.com 12.07.2018) കൗണ്‍സിലറുടെ ചെളിവെള്ളത്തില്‍ കിടന്നുള്ള പ്രതിഷേധം അധികൃതരുടെ കണ്ണുതുറപ്പിച്ചു. ഞാണിക്കടവ്-ശവപ്പറമ്പ് റോഡിലെ കുഴിയടയ്ക്കല്‍ പ്രവൃത്തി തുടങ്ങി. കാഞ്ഞങ്ങാട് നഗരസഭയിലെ 33-ാം വാര്‍ഡ് കൗണ്‍സിലര്‍ പി. അബൂബക്കറാണ് റോഡിന്റെ ശോചനീയാവസ്ഥയില്‍ പ്രതിഷേധിച്ച് ചെളിവെള്ളത്തില്‍ കിടന്നുകൊണ്ട് വേറിട്ട പ്രതിഷേധ പരിപാടി സംഘടിപ്പിച്ചത്.

ഇതിനു പിന്നാലെ സ്ഥലം എംഎല്‍എ കൂടിയായ മന്ത്രി ഇ ചന്ദ്രശേഖരനും പരാതി നല്‍കിയിരുന്നു. സംഭവം മന്ത്രിയുടെ ശ്രദ്ധയില്‍പെട്ടതോടെ കുഴിയടക്കാന്‍ നിര്‍ദേശം നല്‍കുകയായിരുന്നു. പൊതുമരാമത്ത് വകുപ്പിന് ഒട്ടേറെ തവണ പരാതി നല്‍കിയിട്ടും നടപടിയുണ്ടാവാതിരുന്നതോടെ കൗണ്‍സിലര്‍ ചെളിവെള്ളത്തില്‍ കിടന്നുകൊണ്ട് പ്രതിഷേധിച്ചത്.

Related News:
റോഡിന്റെ ശോചനീയാവസ്ഥ; ചെളിവെള്ളത്തില്‍ കിടന്ന് റോഡ് ഉപരോധിച്ച് കൗണ്‍സിലര്‍