ബ്ലോക്ക്തല കേരളോത്സവത്തിലെ കബഡി മത്സരം വിവാദമാകുന്നു

By Webdesk ViNov 4, 2017, 16:26 IST

ബേക്കല്‍: (www.kasargodvartha.com 04/11/2017) കേരളോത്സവത്തിലെ കബഡി മത്സരം വിവാദമാകുന്നു. പള്ളിക്കര ഗ്രാമപഞ്ചായത്ത് തല കേരളോത്സവത്തിന്റെ ഭാഗമായി നടന്ന കബഡി മത്സരമാണ് വിവാദമാകുന്നത്. പഞ്ചായത്തില്‍ വിജയിച്ച ടീമം ബ്ലോക്ക് തല മത്സരത്തില്‍ പങ്കെടുക്കവെ ക്രമവിരുദ്ധമായി കളിക്കാന്‍ അനുവദിച്ചതായും നിലവിലുള്ള ചട്ടം ലംഘിച്ചതായുമാണ് പരാതി.

ഗ്രാമപഞ്ചായത്തുകളില്‍ കളിച്ച താരങ്ങള്‍ തന്നെയാകണം വിജയിച്ചാല്‍ ബ്ലോക്ക് തല മത്സരത്തിലും പങ്കെടുക്കേണ്ടത് എന്ന ചട്ടം മറി കടന്നു കൊണ്ടാണ് പള്ളിക്കര ഗ്രാമപഞ്ചായത്തിലെ താരങ്ങള്‍ ബ്ലോക്ക് മത്സരത്തില്‍ പങ്കെടുത്തത്. ഇത് ചട്ടലംഘനമാണെന്ന് വിലയിരുത്തപ്പെടുന്നു. അത് ശ്രദ്ധയില്‍പെട്ടതോടെയാണ് മത്സരം വിവാദമായത്.