പോളിടെക്‌നിക്കില്‍ ഉണ്ടായ സംഘട്ടനത്തില്‍ നാല് വിദ്യാര്‍ത്ഥികള്‍ക്ക് പരിക്ക്; ക്യാമ്പസുകളില്‍ ചൊവ്വാഴ്ച കെ എസ് യുവിന്റെ പ്രതിഷേധദിനം

തൃക്കരിപ്പൂര്‍: (www.kasargodvarth.com 01/08/2017) തൃക്കരിപ്പൂര്‍ ഗവ. പോളിടെക്‌നിക് കോളജില്‍ വിദ്യാര്‍ത്ഥികള്‍ തമ്മില്‍ ഏറ്റുമുട്ടി. സംഘട്ടനത്തില്‍ നാല് വിദ്യാര്‍ത്ഥികള്‍ക്ക് പരിക്കേറ്റു. കെ എസ് യു പോളിടെക്‌നിക് കോളജ് യൂണിറ്റ് പ്രസിഡണ്ടും ബയോമെഡിക്കല്‍ രണ്ടാം വര്‍ഷ വിദ്യാര്‍ത്ഥിയുമായ കെ എം സിറാജ്(19), മുഹമ്മദ് ആഷിഖ്(19), എം എസ് എഫ് പ്രവര്‍ത്തകനും ഇലക്ട്രോണിക്‌സ് രണ്ടാം വര്‍ഷ വിദ്യാര്‍ത്ഥിയുമായ അബ്ദുള്‍ അസീസ് (19), ഇലക്ട്രോണിക്‌സ് അവസാന വര്‍ഷ വിദ്യാര്‍ത്ഥി ജി മുസബ്ബിര്‍(19) എന്നിവര്‍ക്കാണ് പരിക്കേറ്റത്. ഇവരെ തൃക്കരിപ്പൂര്‍ താലൂക്ക് ആശുപത്രിയില്‍ പ്രവേശിപ്പിച്ചു.

തിങ്കളാഴ്ച നവാഗതര്‍ക്ക് അഭിവാദ്യം അര്‍പ്പിച്ച് കെ എസ് യു-എം എസ് എഫ് പ്രവര്‍ത്തകര്‍ പ്രധാന കവാടത്തില്‍ ബാനറുകള്‍ തൂക്കുമ്പോള്‍ ഒരു സംഘം എസ് എഫ് ഐ പ്രവര്‍ത്തകര്‍ ആക്രമിച്ചുവെന്നാണ് പരാതി. രാവിലെ നടന്ന അക്രമത്തില്‍ രണ്ടുപേര്‍ക്കാണ് പരിക്കേറ്റത്.


സംഭവത്തില്‍ പ്രതിഷേധിച്ച് ഉച്ചയോടെ കെ എസ് യു-എം എസ് എഫ് പ്രവര്‍ത്തകര്‍ പ്രകടനം നടത്തിയിരുന്നു. ഈ പ്രകടനത്തന് നേരെയും എസ് എഫ് ഐ അക്രമം അഴിച്ച് വിട്ടതായി കെ എസ് യു- എം എസ്എഫ് നേതൃത്വങ്ങള്‍ ആരോപിച്ചു. സംഭവത്തില്‍ പ്രതിഷേധിച്ച് ജില്ലയിലെ മുഴുവന്‍ ക്യാമ്പസുകളിലും ചൊവ്വാഴ്ച പ്രതിഷേധദിനം ആചരിക്കാന്‍ കെ എസ് യു ജില്ലാ നേതൃത്വം ആഹ്വാനം ചെയ്യുകയായിരുന്നു.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords: Kasaragod, Students, Injured, College, Hospital, KSU, MSF, Complaint, Conflict in Polytechnic; 4 students injured.