ആശുപത്രി സൂപ്രണ്ടിന്റെ വ്യാജ ഒപ്പിട്ട് ഒമ്പത് ലക്ഷം തട്ടിയ ക്ലര്‍ക്ക് റിമാന്‍ഡില്‍
Dec 17, 2012, 18:15 IST
കാസര്‍കോട്: കാസര്‍കോട് ജനറല്‍ ആശുപത്രി സൂപ്രണ്ടിന്റെ വ്യാജ ഒപ്പിട്ട് 9,04,875 രൂപ തട്ടിയെടുത്ത കേസില്‍ അറസ്റ്റിലായ എല്‍ഡി ക്ലാര്‍ക്കിനെ കാസര്‍കോട് സിജെഎം കോടതി രണ്ടാഴ്ചത്തേക്ക് റിമാന്‍ഡ് ചെയ്തു.
ആലപ്പുഴ ചേര്‍ത്തല കണ്ണിച്ചുകുളങ്ങര കൊല്ലം മാടത്ത് വീട്ടില്‍ കെ. എബി(36)യെയാണ് റിമാന്‍ഡ് ചെയ്തത്. ശനിയാഴ്ച രാത്രി മദ്യപിച്ച് ബൈക്കോടിച്ചതിന് പിടിയിലായ എബിയെ സ്റ്റേഷനില്‍ കൊണ്ടുവന്നപ്പോഴാണ് ഇയാള്‍ ഒമ്പത് ലക്ഷത്തിന്റെ തട്ടിപ്പ് നടത്തിയ കേസില്‍ അന്വേഷിക്കുന്ന പ്രതിയാണെന്ന് മനസിലായത്. ഇതിനു പുറമേ മദ്യപിച്ച് ജനറല്‍ ആസുപത്രിയില്‍ ഡോക്ടര്‍മാരെ കത്തികാട്ടി കൊല്ലുമെന്ന് ഭീഷണിപ്പെടുത്തിന് മറ്റൊരു കേസും എബിക്കെതിരെ നിലവിലുണ്ട്.
ഈ സംഭവത്തില്‍ സസ്‌പെന്‍ഷനിലായിരുന്നപ്പോഴാണ് വ്യാജ ഒപ്പിട്ട് പണം തട്ടിയ കാര്യം പുറത്തായത്. 13 ചെക്കുകളില്‍ സുപ്രണ്ട് ഡോ. നാരായണ നായിക്കിന്റെ വ്യാജ ഒപ്പിട്ട് ദേശീയ ആരോഗ്യ ഇന്‍ഷുറന്‍സ് പദ്ധതിയായ രാഷ്ട്രീയ സ്വാസ്ഥ്യ ഭീമയോജന(ആര്‍.എസ്.ബി.വൈ) ഫണ്ടില്‍നിന്നും കോര്‍പറേഷന്‍ ബാങ്ക് അക്കൗണ്ടില്‍ നിന്നാണ് പണം തട്ടിയത്. 2011 ആഗസ്റ്റ് നാലുമുതലാണ് ബാങ്കില്‍ നിന്ന് പണം എടുത്തത്. കഴിഞ്ഞ ദിവസം തിരുവന്തപുരത്തു നിന്നും ഉദ്യോഗസ്ഥരെത്തി ഓഡിറ്റിംഗ് നടത്തിയപ്പോഴാണ് തട്ടിപ്പ് പുറത്തുവന്നത്. അറസ്റ്റിലായ എബിയെ ഞായറാഴ്ച വൈകിട്ട് ആശുപത്രിയിലെത്തിച്ച് തെളിവെടുപ്പ് നടത്തിയിരുന്നു.
Related News:
ആശുപത്രിയിലെ പണം തട്ടിപ്പ്: എല്‍.ഡി. ക്ലര്‍ക്ക് അറസ്റ്റില്‍
9 ലക്ഷം തട്ടിയ ക്ലര്‍ക്ക് മദ്യപിച്ച് ബൈക്കോടിക്കുന്നതിനിടെ അറസ്റ്റില്‍
ഈ സംഭവത്തില്‍ സസ്‌പെന്‍ഷനിലായിരുന്നപ്പോഴാണ് വ്യാജ ഒപ്പിട്ട് പണം തട്ടിയ കാര്യം പുറത്തായത്. 13 ചെക്കുകളില്‍ സുപ്രണ്ട് ഡോ. നാരായണ നായിക്കിന്റെ വ്യാജ ഒപ്പിട്ട് ദേശീയ ആരോഗ്യ ഇന്‍ഷുറന്‍സ് പദ്ധതിയായ രാഷ്ട്രീയ സ്വാസ്ഥ്യ ഭീമയോജന(ആര്‍.എസ്.ബി.വൈ) ഫണ്ടില്‍നിന്നും കോര്‍പറേഷന്‍ ബാങ്ക് അക്കൗണ്ടില്‍ നിന്നാണ് പണം തട്ടിയത്. 2011 ആഗസ്റ്റ് നാലുമുതലാണ് ബാങ്കില്‍ നിന്ന് പണം എടുത്തത്. കഴിഞ്ഞ ദിവസം തിരുവന്തപുരത്തു നിന്നും ഉദ്യോഗസ്ഥരെത്തി ഓഡിറ്റിംഗ് നടത്തിയപ്പോഴാണ് തട്ടിപ്പ് പുറത്തുവന്നത്. അറസ്റ്റിലായ എബിയെ ഞായറാഴ്ച വൈകിട്ട് ആശുപത്രിയിലെത്തിച്ച് തെളിവെടുപ്പ് നടത്തിയിരുന്നു.
Related News:
ആശുപത്രിയിലെ പണം തട്ടിപ്പ്: എല്‍.ഡി. ക്ലര്‍ക്ക് അറസ്റ്റില്‍
9 ലക്ഷം തട്ടിയ ക്ലര്‍ക്ക് മദ്യപിച്ച് ബൈക്കോടിക്കുന്നതിനിടെ അറസ്റ്റില്‍
Keywords : Kasaragod, General-hospital, Court, Remand, Clark, Alapuzha, Ebi, Police Case, Doctors, Suspension, Narayana Nayik, Arrest, Hospital, Kerala, Malayalam News.
Tags
Share this story
