പൂരമഹോത്സവഗാനമേളക്കിടെ സംഘര്‍ഷം; പോലീസ് ലാത്തിവീശി

കാഞ്ഞങ്ങാട്: (www.kasargodvartha.com 30.03.2018) കുറുംബ ഭഗവതി ക്ഷേത്രത്തിലെ പൂര മഹോത്സവത്തോടനുബന്ധിച്ച് നടന്ന ഗാനമേളക്കിടയില്‍ സംഘര്‍ഷം. അക്രമികളെ പോലീസ് ലാത്തി വീശി ഓടിച്ചു. ബുധനാഴ്ച രാത്രി പത്ത് മണിയോടെ പിന്നണി ഗായിക ദുര്‍ഗ്ഗ വിശ്വനാഥിന്റെ നേതൃത്വത്തില്‍ നടന്ന ഗാനമേളക്കിടയിലാണ് ഇരുവിഭാഗങ്ങള്‍ തമ്മില്‍ വാക്കേറ്റവും കയ്യാങ്കളിയും നടന്നത്.


തുടര്‍ന്ന് ചേരി തിരിഞ്ഞ് ഏറ്റുമുട്ടലും ഉണ്ടായി. സംഭവമറിഞ്ഞെത്തിയ ഹൊസ്ദുര്‍ഗ് പോലീസ് ലാത്തി വീശി ഓടിക്കുകയായിരുന്നു. പോലീസിന്റെ ലാത്തി വീശലില്‍ നിരവധി കാണികള്‍ക്കും ഏതാനും ക്ഷേത്രഭാരവാഹികള്‍ക്കും അടിയേറ്റു. സംഭവത്തില്‍ ആരും പരാതി നല്‍കാത്തതിനെ തുടര്‍ന്ന് കേസ് എടുത്തിട്ടില്ല.
(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങaളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords: Kanhangad, Kasaragod, Kerala, News, Temple fest, Clash, Police, Clash; Police lathy charged.