പെരിയ സംഘര്‍ഷം; 15 പേര്‍ക്കെതിരെ കേസ്

പെരിയ: പെരിയയില്‍ യൂത്ത്‌കോണ്‍ഗ്രസ്-സി.ഐ.ടി.യു. പ്രവര്‍ത്തകര്‍ തമ്മിലുള്ള സംഘട്ടനവുമായി ബന്ധപ്പെട്ട് 15 പേര്‍ക്കെതിരെ ബേക്കല്‍ പോലീസ് കേസെടുത്തു. എട്ട് സി.പി.എം. പ്രവര്‍ത്തകര്‍ക്കെതിരെ വധശ്രമത്തിനും ഏഴ് കോണ്‍ഗ്രസ് പ്രവര്‍ത്തകര്‍ക്കെതിരെ നരഹത്യാ ശ്രമത്തിനുമാണ് കേസ് രജിസ്റ്റര്‍ ചെയ്തത്. കഴിഞ്ഞ ദിവസം രാത്രി ഏഴു മണിയോടെയാണ് പെരിയ ടൗണില്‍ യൂത്ത്‌കോണ്‍ഗ്രസ്-സി.ഐ.ടി.യു. പ്രവര്‍ത്തകര്‍ തമ്മില്‍ ഏറ്റുമുട്ടിയത്.

ഓട്ടോറിക്ഷാ തൊഴിലാളി യൂണിയന്‍ (സി.ഐ.ടി.യു.) പ്രസിഡണ്ട് രാഘവന്‍ (38), യൂത്ത് കോണ്‍ഗ്രസ് പ്രവര്‍ത്തകരായ രജില്‍ (30), പ്രശാന്ത് (32), രാജേഷ് (30)എന്നിവര്‍ക്ക് അക്രമത്തില്‍ പരിക്കേറ്റിരുന്നു. രാഘവന്റെ ഓട്ടോയും തകര്‍ത്തിരുന്നു.

കായക്കുളത്തെ ശ്രീധരന്റെ ഉടമസ്ഥതയിലുള്ള കൈലാസം ഹോട്ടലും അടിച്ചു തകര്‍ത്തിരുന്നു. സംഘര്‍ഷം പടരാതിരിക്കുന്നതിന് പെരിയയില്‍ പോലീസ് പിക്കറ്റ് ഏര്‍പ്പെടുത്തിയിട്ടുണ്ട്. ഹോട്ടല്‍ തകര്‍ത്തതില്‍ പ്രതിഷേധിച്ച് പെരിയയില്‍ വ്യാപാരികള്‍ ഹര്‍ത്താല്‍ ആചരിച്ചിരുന്നു.

Also read:
പിണറായി ലാവ്‌ലിന്‍ കമ്പനിക്കയച്ച കത്തില്‍ ദുരൂഹതയെന്ന് കോടതി
Keywords:  Case, Clash, Periya, Kasaragod, Kerala, Police, Congress, CITU, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.