മാങ്ങാട് അണിഞ്ഞയില്‍ സി.പി.എം - ലീഗ് സംഘര്‍ഷം; നിരവധി വീടുകള്‍ തകര്‍ത്തു

ഇരു വിഭാഗങ്ങള്‍ സംഘടിച്ച് വാക്കേറ്റത്തിലേര്‍പ്പെടുകയായിരുന്നു. ഇതിന്റെ തുടര്‍ച്ചയായാണ് വീടുകള്‍ക്കു നേരെ കല്ലേറുണ്ടായത്. കല്ലേറില്‍ പത്തോളം വീടുകള്‍ക്ക് കേട്പാട് പറ്റി. വിവരമറിഞ്ഞ് ബേക്കല്‍ പോലീസ് സ്ഥലത്തെത്തിയാണ് സംഘര്‍ഷാവസ്ഥ നീക്കിയത്. 

ശനിയാഴ്ച രാത്രി എട്ട് മണിയോടെയാണ് കൂളിക്കുന്നില്‍ സി.പി.എം ലീഗ് സംഘര്‍ഷം ഉടലെടുത്തത്. അണിഞ്ഞ കട്ടക്കുഴി സുനാമി കോളനിയിലെ മുനീര്‍, സഫിയ, സക്കറിയ, ഫൈസല്‍ മജീദ്, റഷീദ്, സക്കറിയ, കൂളിക്കുന്നിലെ ഉബൈദ് എന്നിവരുടെ വീടുകള്‍ക്ക് കേട്പാട് പറ്റി. മുനീറിന്റെയും റഷീദിന്റെയും വീട്ടുമുറ്റത്ത് നിര്‍ത്തിയിട്ടിരുന്ന ഹീറോ ഹോണ്ട, കൈനറ്റിക് ബൈക്കുകള്‍ അക്രമികള്‍ അടിച്ചു തകര്‍ത്തു.

അക്രമത്തില്‍ പരിക്കേറ്റ ഫൈസല്‍ മജീദ്, സക്കരിയ, സാദിഖ്, റഷീദ്, ഫയാസ് എന്നിവരെ നുള്ളിപ്പാടിയിലെ സ്വകാര്യ ആശുപത്രിയിലും കൂളിക്കുന്ന് കല്ലുവളപ്പിലെ നാരായണന്‍ (42), ഭാര്യ നാരായണി (35), മക്കളായ റോഷന്‍ (11), സ്‌നേഹ (ഒമ്പത്), സഹോദരന്‍ പവിത്രന്റെ ഭാര്യ പത്മിനി (39), ശിവനന്ദ (നാല്), അയല്‍വാസി ശാരദ (55) എന്നിവരെ ചെങ്കളയിലെ സഹകരണ ആശുപത്രിയിലും പ്രവേശിപ്പിച്ചു. നാരായണന്റെ വീട്, ഓട്ടോ, ശാരദയുടെ വീട്, മകന്‍ ശ്രീധരന്റെ ബൈക്ക് എന്നിവ തകര്‍ത്തു.

അക്രമത്തില്‍ തകര്‍ന്ന വീടുകള്‍ മുസ്‌ലിംലീഗ് ജില്ലാ വൈസ് പ്രസിഡണ്ട് കല്ലട്ര മാഹിന്‍ഹാജി, മണ്ഡലം ജനറല്‍ സെക്രട്ടറി ഷാഫി ഹാജി കട്ടക്കാല്‍, ഉദുമ മണ്ഡലം യൂത്ത്‌ലീഗ് ജനറല്‍ സെക്രട്ടറി എം.എച്ച്. മുഹമ്മദ്കുഞ്ഞി മാങ്ങാട്, ഉദുമ പഞ്ചായത്ത് മുസ്‌ലിം ലീഗ് പ്രസിഡണ്ട് ഹമീദ് മാങ്ങാട്, ജനറല്‍ സെക്രട്ടറി സത്താര്‍ മുക്കുന്നോത്ത്, ചെമ്മനാട് പഞ്ചായത്ത് മുസ്‌ലിം ലീഗ് പ്രസിഡണ്ട് ഹാജി അബ്ദുല്ല ഹുസൈന്‍ കടവത്ത്, യൂത്ത്‌ലീഗ് പ്രസിഡണ്ട് അന്‍വര്‍ കോളിയടുക്കം, എന്‍.എം. ശരീഫ്, മുഹമ്മദ്കുഞ്ഞി തൊട്ടി, മുജീബ് ബേക്കല്‍, അര്‍ഷാദ് മാങ്ങാട്, അന്‍വര്‍ മാങ്ങാട് സന്ദര്‍ശിച്ചു.

സി.പി.ഐ എം ഏരിയാസെക്രട്ടറി കെ വി കുഞ്ഞിരാമന്‍, ലോക്കല്‍സെക്രട്ടറി എം കെ വിജയന്‍ എന്നിവരും അക്രമം നടന്ന സ്ഥലം സന്ദര്‍ശിച്ചു.

കൂളിക്കുന്ന് കല്ലുവളപ്പിലെ ശ്രീധരന്റെ ബൈക്ക് തകര്‍ത്ത നിലയില്‍

അക്രമത്തില്‍ തകര്‍ന്ന മുനീറിന്റെ വീട്

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Also read:
നൂറ് കോടിയുടെ മയക്കുമരുന്ന് കടത്തിയ ട്രക്ക് വിട്ടുകിട്ടാന്‍ പാക്കിസ്ഥാന്‍ ഇന്ത്യന്‍ ട്രക്കുകള്‍ തടഞ്ഞുവെച്ചു

Keywords:  Koliyadukkam, kasaragod, Kerala, Police, Stone pelting, , Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News Malayalam, Today news paper, Today cricket news, Malayalam hot news, Malayalam Kathakal, Live Malayalam News, News Kerala, Malayalam gulf news.

Advertisement: