ഫുട്‌ബോള്‍ മത്സരത്തിനിടെ കൂട്ടത്തല്ല്: മൂന്ന് പേര്‍ക്ക് പരിക്ക്

By Web Desk - MainApr 15, 2014, 12:30 IST

തൃക്കരിപ്പുര്‍:(www.kasargodvartha.com 15.04.2014) ഫുട്‌ബോള്‍ മത്സരത്തിനിടെയുണ്ടായ ഏറ്റുമുട്ടലില്‍ മൂന്ന് പേര്‍ക്ക് പരിക്കേറ്റു. തൃക്കരിപ്പൂരിലെ സിദ്ദുലാല്‍ (20), ലിനേഷ് (22), ജിതേഷ് (19) എന്നിവര്‍ക്കാണ് പരിക്കേറ്റത്. ഇവരെ പയ്യന്നൂര്‍ സഹകരണ ആശുപത്രിയില്‍ പ്രവേശിപ്പിച്ചു.

മത്സരത്തിന്റെ ഫൈനലിനിടെ ഒരുഗോളിനെ ചൊല്ലി ഉടലെടുത്ത ഏറ്റുമുട്ടലാണ് ഇരുവിഭാഗങ്ങള്‍ തമ്മിലുളള സംഘര്‍ഷത്തില്‍ കലാശിച്ചത്. എസ്.ഇ.എസ് ആയിറ്റിയും പൊയ്യക്കടവ് ചാലഞ്ചേഴ്‌സും തമ്മിലായിരുന്നു ഫൈനല്‍ മത്സരം. ഒടുവില്‍ പോലീസ് സ്ഥലത്തെത്തിയതോടെയാണ് ഇരു വിഭാഗങ്ങളും പിരിഞ്ഞുപോയത്.