പൗരത്വ ബില്ലിനെതിരായ പ്രക്ഷോഭം കാസര്‍കോട്ടും ആളിക്കത്തുന്നു: പ്രതിഷേധം ശക്തമാക്കാനൊരുങ്ങി കോണ്‍ഗ്രസ് നേതൃത്വം; ശനിയാഴ്ച ആര്‍ഡിഒ ഓഫീസ് മാര്‍ച്ച്

കാഞ്ഞങ്ങാട്: (www.kasargodvartha.com 20.12.2019) പൗരത്വ ബില്ലിനെതിരായ പ്രക്ഷോഭം കാസര്‍കോട്ടും ആളിക്കത്തുന്നു. പ്രതിഷേധം ശക്തമാക്കാനൊരുങ്ങി കോണ്‍ഗ്രസ് നേതൃത്വം, ശനിയാഴ്ച ആര്‍ഡിഒ ഓഫീസിലെക്ക് ആയിരങ്ങളെ അണിനിരത്തി പ്രതിഷേധ മാര്‍ച്ച് നടത്തുമെന്ന് കോണ്‍ഗ്രസ് നേതൃത്വം അറിയിച്ചു.

കെപിസിസി പ്രസിഡന്റ് മുല്ലപ്പള്ളി രാമചന്ദ്രന്‍ മാര്‍ച്ച് ഉദ്ഘാടനം ചെയ്യും. രാജ്യം ഗൗരവകരമായി ചര്‍ച്ച ചെയ്യുന്ന വിഷയമായതിനാലും ജനങ്ങളെ നേരിട്ട് ബാധിക്കുന്ന കാര്യമായതിനാലും കോണ്‍ഗ്രസിന്റെ ശക്തി പ്രകടമാക്കുന്നതായിരിക്കും പ്രതിഷേധ മാര്‍ച്ചെന്നും കോണ്‍ഗ്രസ് അറിയിച്ചു.