മുഖ്യമന്ത്രിയുടെ ദുരിതാശ്വാസ ഫണ്ടില്‍നിന്ന് ധനസഹായം നല്‍കി

കാസര്‍കോട്: മുഖ്യമന്ത്രിയുടെ ദുരിതാശ്വാസ ഫണ്ടില്‍നിന്ന് എന്‍.എ. നെല്ലിക്കുന്ന് എം.എല്‍.എ.യുടെ ശ്രമഫലമായി പെരുമ്പള കടവില്‍ മുങ്ങി മരിച്ച് കുട്ടികളുടെ കുടുംബത്തിനും കാസര്‍കോട് കസബ കടപ്പുറത്ത് തോണി അപകടത്തില്‍ മരണപ്പെട്ട രണ്ട് കുടുംബങ്ങള്‍ക്കും കടല്‍ ക്ഷോഭത്തില്‍ വള്ളവും മത്സ്യബന്ധന സാമഗ്രികളും നഷ്ടപ്പെട്ടവര്‍ക്കുമുള്ള ധനസഹായം എന്‍.എ. നെല്ലിക്കുന്ന് എം.എല്‍.എ.വിതരണം ചെയ്തു.
പെരുമ്പളക്കടവില്‍ കക്കവാരാന്‍പോയി അപകടത്തില്‍പ്പെട്ട് രണ്ട് കുട്ടികള്‍ മരിച്ച കുടുംബത്തിനുള്ള രണ്ട് ലക്ഷം രൂപയും കാസര്‍കോട് കസബ കടപ്പുറത്ത് തോണി അപകടത്തില്‍ മരണപ്പെട്ട സോമന്‍, നിജേഷ് എന്നിവരുടെ കുടുംബത്തിന് ഓരോ ലക്ഷം രൂപ വീതവും കടല്‍ ക്ഷോഭത്തില്‍ വള്ളവും മത്സ്യബന്ധന സാമഗ്രികളും നഷ്ടപ്പെട്ട ഗ്രൂപ്പിന് രണ്ട് ലക്ഷം രൂപയുമാണ് ധനസഹായം നല്‍കിയത്.