'എന്‍ഡോസള്‍ഫാന്‍ സമരം ഒത്തുതീര്‍പ്പാക്കുവാന്‍ മുഖ്യമന്ത്രി ഇടപെടണം'
May 3, 2012, 18:12 IST
നഷ്ട പരിഹാരം കണക്കാക്കുന്നതിന് ട്രൈബ്യൂണല്‍ സ്ഥാപിക്കുക,ഗോഡൗണുകളില്‍ സൂക്ഷിച്ചിരിക്കുന്ന എന്‍ഡോസള്‍ഫാന്‍ ഒരു മാസത്തിനകം നീക്കുമെന്ന് താങ്കള്‍ പ്രഖ്യാപിച്ചിരുന്നെങ്കിലും 1 വര്‍ഷമാവാറായിട്ടും നീക്കിയിട്ടില്ല. ബാരലുകളില്‍ സൂക്ഷിച്ച എന്‍ഡോസള്‍ഫാന്‍ ഇപ്പോള്‍ പുറത്തേക്കൊഴുകാന്‍ തുടങ്ങിയിട്ടുണ്ട്. ഇത് നീക്കം ചെയ്യാനാവശ്യമായ നടപടികള്‍ യുദ്ധകാലടിസ്ഥാ നത്തില്‍ നടപ്പിലാക്കുക,മനുഷ്യാവകാശ കമ്മീഷന്‍ നിര്‍ദ്ദേശിച്ച നഷ്ട പരിഹാരം ഉടന്‍ വിതരണം ചെയ്യുക. കമ്മീഷന്റെ മുഴുവന്‍ നിര്‍ദ്ദേശങ്ങളും ഉടന്‍ നടപ്പിലാക്കുക, രോഗികള്‍ക്ക് നല്ല ചികിത്സയും പരിചരണവും ലഭ്യമാക്കുക. ഇപ്പോള്‍ ആയൂര്‍ വേദ,ഹോമിയോ മരുന്നുകള്‍ ആവശ്യത്തിന് ലഭിക്കുന്നില്ല.മറ്റ് ചികിത്സാ സംവിധാനങ്ങളും നിശ്ചലമായിരിക്കുന്നു. ഇത് ഉടന്‍ പരിഹരിക്കേണ്ടതാണ്, എ.പി.എല്‍ കാര്‍ഡിലുള്‍പ്പെട്ട ദുരന്തബാധിതരുടെ കുടുംബത്തിന് ബി.പി.എല്‍ കാര്‍ഡ് നല്‍കുമെന്ന് അങ്ങ് പ്രഖ്യാപിച്ചിരുന്നു. ദുരന്തബാധിത കുടുംബങ്ങള്‍ എല്ലാവര്‍ക്കും ബി.പ.എല്‍ കാര്‍ഡ് അനുവദിക്കുകയും അവര്‍ക്ക് സൗജന്യ റേഷന്‍ നല്‍കുകയും ചെയ്യുക, പ്രധാന മന്ത്രി കാസര്‍ഗോഡ് എന്‍ഡോസള്‍ഫാന്‍ ദുരിത ബാധിത പ്രദേശങ്ങള്‍ സന്ദര്‍ശിക്കുക തുടങ്ങിയ ആവശ്യങ്ങളാണ് സമിതി മുഖ്യമന്ത്രിക്കു മുന്നില്‍ സമര്‍പ്പിച്ചത്.
Keywords: Kasaragod, Endosulfan, Oommen chandy.
Tags
Share this story
