പിഴ ഒടുക്കിയില്ല; പിടിച്ചെടുത്ത ലോറിയിലെ കോഴികള്‍ ചത്തു
Jul 28, 2012, 18:17 IST
വെള്ളിയാഴ്ച പുലര്‍ച്ചെ ആദൂര്‍ പോലീസ് സ്‌റ്റേഷന്‍ പിരിധിയില്‍ ചൂരി പള്ളത്തുവെച്ചാണ് കോഴി കള്ളക്കടത്ത് പിടികൂടിയത്. 128 പെട്ടികളിലായാണ് കോഴികളെ അടക്കംചെയ്തിരുന്നത്. പെട്ടി ഒന്നില്‍ പതിനാറ് കോഴികള്‍ വീതമാണുള്ളത്. ഇതിന്റെ രേഖകളുണ്ടെന്ന് പറഞ്ഞുവെങ്കിലും ഡ്രൈവര്‍ക്ക് ഹാജരാക്കാന്‍ കഴിഞ്ഞില്ല. തുടര്‍ന്ന് കോഴിലോറി കൊമേഴ്‌സ്യല്‍ ടാക്‌സ് ഇന്റലിജന്‍സ് വിഭാഗത്തിന് കൈമാറി. ടാക്‌സ് അധികൃതര്‍ 75,000 രൂപ പിഴചുമത്തിയെങ്കിലും രേഖകളുണ്ടെന്ന് പറഞ്ഞ് പിഴയടക്കാതിരിക്കുകയായിരുന്നു.
ഇതേതുടര്‍ന്നാണ് ലോറി ആദൂര്‍ സ്‌റ്റേഷനു മുന്നില്‍ നിര്‍ത്തിയിട്ടു. ഇവിടെ നിന്നാണ് നിരവധി കോഴികള്‍ ചത്തത്. ഇതുസംബന്ധിച്ച രേഖകള്‍ പിന്നീട് ഹാജരാക്കിയെങ്കിലും ബദിയടുക്ക വഴിപോകേണ്ട ലോറി ആദൂര്‍ വഴി പോയതിനാലാണ് പിഴ ഈടാക്കിയതെന്നും പോലീസും കൊമേഴ്‌സ്യല്‍ ടാക്‌സ് വിഭാഗവും അറിയിച്ചു. അതേസമയം ആദൂര്‍ എസ്.ഐ. മനപൂര്‍വ്വം കോഴിവണ്ടി ബദിയടുക്ക സ്‌റ്റേഷന്‍ പിരിധിയില്‍വെച്ച് പിടികൂടുകയായിരുന്നുവെന്നാരോപിച്ച് പൗള്‍ട്രിഫാം അസോസിയേഷന്‍ രംഗത്ത് വന്നു.
Keywords: Adoor, Lorry, Fine, Hen's, Dead, Smuggling Chicken lorry seized
Tags
Share this story
