നടുറോഡില്‍ ഭക്ഷണാവശിഷ്ടങ്ങളും കോഴി മാലിന്യങ്ങളും തള്ളി; മൂക്കുപൊത്തി യാത്രക്കാര്‍

By Web Desk - MainMay 9, 2018, 19:55 IST

ഏത്തടുക്ക: (www.kasargodvartha.com 09.05.2018) നടുറോഡില്‍ ഭക്ഷണാവശിഷ്ടങ്ങളും കോഴി മാലിന്യങ്ങളും തള്ളി. ഏത്തടുക്ക പെരിയാലിലാണ് നടുറോഡില്‍ ചാക്കുകെട്ടുകളിലാക്കി മാലിന്യങ്ങള്‍ തള്ളിയത്. വാഹനങ്ങള്‍ കയറി ചാക്കുപൊട്ടി മാലിന്യങ്ങള്‍ റോഡില്‍ ചിതറിയ നിലയിലാണ്. മൂക്കു പൊത്തിയാണ് ഇതിലൂടെ വാഹന യാത്രക്കാരും കാല്‍നടയാത്രക്കാരും കടന്നു പോകുന്നത്.

ഇരുളിന്റെ മറവില്‍ വാഹനത്തില്‍ കൊണ്ടുവന്നാണ് നടുറോഡില്‍ മാലിന്യം തള്ളിയത്. രാത്രികാലങ്ങളില്‍ ഈ ഭാഗത്ത് ആളുകളില്ലാത്തതിനാല്‍ ഇവിടെ മാലിന്യം തള്ളുകയാണ് ചെയ്യുന്നത്. പ്രദേശത്ത് സിസിടിവി സ്ഥാപിക്കണമെന്ന ആവശ്യം ശക്തമായിരിക്കുകയാണ്.