കോഴിയങ്കത്തിന് നേതൃത്വം നല്‍കിയ മൂന്നംഗ സംഘം കോഴിവാളുമായി പിടിയില്‍; 6 കോഴികളെയും കസ്റ്റഡിയിലെടുത്തു

By Web Desk SNOct 17, 2017, 10:14 IST

ആദൂര്‍: (www.kasargodvartha.com 17.10.2017) കോഴിയങ്കത്തിന് നേതൃത്വം നല്‍കിയ മൂന്നംഗ സംഘത്തെ കോഴിവാളുമായി പോലീസ് പിടികൂടി. ആറ് അങ്കക്കോഴികളെയും കസ്റ്റഡിയിലെടുത്തു. തിങ്കളാഴ്ച വൈകുന്നേരം ആദൂര്‍ പോലീസ് സ്‌റ്റേഷന്‍ പരിധിയിലെ കോളംകുന്നിലാണ് കോഴിയങ്കം നടന്നത്. വിവരമറിഞ്ഞ് ആദൂര്‍ എസ് ഐയുടെ നേതൃത്വത്തിലുള്ള പോലീസ് സംഘം അങ്കക്കോഴികളെ കസ്റ്റഡിയിലെടുക്കുകയും മൂന്നു പേരെ അറസ്റ്റു ചെയ്യുകയുമായിരുന്നു.

കോളംകുന്നിലെ ദിവ്യരാജ് (27), വാണിമൂലയിലെ രാമപൂജാരി (42), പേരടുക്കത്തെ ദിനേശന്‍ (42) എന്നിവരെയാണ് പോലീസ് അറസ്റ്റു ചെയ്തത്. അങ്കത്തിന് ഉപയോഗിച്ച ഒരു കോഴി വാളും പോലീസ് പിടികൂടി.