ചെർക്കളയിൽ സർവീസ് റോഡ് നിർമ്മാണം മന്ദഗതിയിൽ: യാത്രാദുരിതം തുടരുന്നു

ചെർക്കള: (KasargodVartha) തലപ്പാടി-ചെങ്കള റീച്ചിൽ ദേശീയപാതയുടെയും സർവീസ് റോഡുകളുടെയും ജോലികൾ അന്തിമഘട്ടത്തിലെന്ന് നിർമ്മാണ കമ്പനി അധികൃതർ അവകാശപ്പെടുമ്പോഴും ചെങ്കളയിലെ സർവീസ് റോഡ് നിർമ്മാണം ഇപ്പോഴും പാതിവഴിയിൽ തന്നെ.

ചെങ്കള മുതൽ ചെർക്കളം വരെയുള്ള സർവീസ് റോഡിന്റെ നിർമ്മാണമാണ് ഇഴഞ്ഞുനീങ്ങുന്നത്. അതുകൊണ്ടുതന്നെ ഇവിടെ ഗതാഗതക്കുരുക്കും കാൽനടയാത്രക്കാർക്ക് ദുരിതവുമുണ്ടാകുന്നുണ്ട്. സർവീസ് റോഡിലെ ഈ കുരുക്ക് നാട്ടുകാർക്കിടയിൽ വലിയ ആശങ്കയാണ് സൃഷ്ടിക്കുന്നത്.

സർവീസ് റോഡ് നിർമ്മാണം പാതിവഴിയിലിരിക്കെത്തന്നെ വീതി കുറഞ്ഞ റോഡിൽ 'ടുവേ' സംവിധാനം ഏർപ്പെടുത്തിയത് നാട്ടുകാർക്ക് ഇരട്ട ദുരിതമായിരിക്കുകയാണ്. കാസർകോട് പുതിയ ബസ് സ്റ്റാൻഡ് മുതൽ ചെർക്കളം വരെയുള്ള സർവീസ് റോഡിൽ പലയിടങ്ങളിലും റോഡിന്റെ വീതി നാല് മീറ്റർ മാത്രമാണ്. 

'ഇതിലൂടെ എങ്ങനെ അങ്ങോട്ടുമിങ്ങോട്ടും വാഹനം കടന്നുപോകും' എന്ന ചോദ്യത്തിന് അധികൃതർക്ക് മറുപടിയില്ല. ഇതിനിടയിലാണ് സർവീസ് റോഡരികിൽ അനധികൃത വാഹന പാർക്കിങ്ങുകളും നടക്കുന്നത്. എല്ലാംകൊണ്ടും വലിയ ഗതാഗതക്കുരുക്കാണ് സർവീസ് റോഡിൽ അനുഭവപ്പെടുന്നത്.

ചെർക്കളയിലെ യാത്രാദുരിതം ശ്രദ്ധയിൽപ്പെടുത്താൻ ഈ വാർത്ത ഷെയർ ചെയ്യുക. നിങ്ങളുടെ അഭിപ്രായം കമൻ്റ് ചെയ്യുക. 

Article Summary: Service road construction in Cherkala, Kasaragod is stalled, causing severe traffic congestion on the narrow two-way road.

#Cherkala #Kasaragod #ServiceRoad #NHConstruction #TrafficJam #TravelHardship