ചീമേനി തുറന്ന ജയിലിലെ ചപ്പാത്തിയും ബിരിയാണിയും വന്‍ ലാഭത്തില്‍

കാസര്‍കോട്: (www.kasargodvartha.com 24.05.2014) ചീമേനി തുറന്ന ജയിലിലെ തേജസ്വിനി ചപ്പാത്തി ബേക്കല്‍ ബിരിയാണി യൂണിറ്റുകള്‍ ലാഭം കൈവരിച്ചിട്ടുണ്ടെന്ന് ജയില്‍ സൂപ്രണ്ട് എസ്. സന്തോഷ് പറഞ്ഞു. യൂണിറ്റില്‍ ജോലിചെയ്യുന്ന 25 അന്തേവാസികളുടെ വേതനം ചപ്പാത്തി-ബിരിയാണി യൂണിറ്റിലെ ലാഭവിഹിതത്തില്‍ നിന്നുമാണ് അടക്കുന്നത്. വില്‍പനയിലൂടെ കിട്ടിയ ഒമ്പത് ലക്ഷത്തോളം രൂപ ലാഭവിഹിതമായി ട്രഷറിയില്‍ അടച്ചിട്ടുണ്ട്. രണ്ടു വാഹനങ്ങളിലായി ദിവസവും പയ്യന്നൂര്‍, കാഞ്ഞങ്ങാട് എന്നിവിടങ്ങളില്‍ ബിരിയാണിയും ചപ്പാത്തിയും കറിയും പൊതുജനങ്ങള്‍ക്ക് കമ്പോളവിലയേക്കാള്‍ കുറഞ്ഞ നിരക്കില്‍ വില്പന നടത്തുന്നുണ്ട്.

ഈ യൂണിറ്റുകള്‍ ലാഭകരമായാണ് പ്രവര്‍ത്തിക്കുന്നത്. അന്തേവാസികളും, അഞ്ചു ജീവനക്കാരും രാപകല്‍ കഠിനാധ്വാനം നടത്തിയാണ്  ഈ സംരംഭത്തെ വിജയപഥത്തിലേക്ക് നയിക്കുന്നത്. കഴിഞ്ഞവര്‍ഷം ഏപ്രില്‍ 18ന് ആഭ്യന്തര-ജയില്‍ വകുപ്പ് മന്ത്രി തിരുവഞ്ചൂര്‍  രാധാകൃഷ്ണനാണ് ചപ്പാത്തി നിര്‍മ്മാണ യൂണിറ്റ് ഉദ്ഘാടനം ചെയ്തത്.  മെയ് 6നാണ് ബിരിയാണി യൂണിറ്റ്  പ്രവര്‍ത്തനം തുടങ്ങിയത്.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords : Kasaragod, Cheemeni, Food, Jail, Chapathi, Biriyani, Thejaswini, Bekal, Open Jail.

Advertisement: