ചാത്തങ്കൈയില്‍ ഗ്രാമസഭ ബഹിഷ്ക്കരിച്ചവരെ നേരിടാന്‍ ഗുണ്ടകളെ ഇറക്കിയെന്ന്
Aug 6, 2012, 14:14 IST
ഞായറാഴ്ചയാണ് ചാത്തങ്കൈ ഉള്‍പ്പെടുന്ന ചെമ്മനാട് പഞ്ചായത്തിലെ 17ാം വാര്‍ഡ് ഗ്രാമസഭ ഗവ. യു.പി. സ്കൂളില്‍ ചേരാന്‍ നിശ്ചയിച്ചത്. എന്നാല്‍ 400 ഓളം നാട്ടുകാര്‍ സഭ ബഹിഷ്ക്കരിക്കുകയായിരുന്നു. ചാത്തങ്കൈ റെയില്‍വേ മേല്‍പ്പാലത്തിന് പഞ്ചായത്ത് അധികൃതര്‍ തുരങ്കംവെക്കുകയാണെന്ന് ആരോപിച്ചാണ് നാട്ടുകാര്‍ ഗ്രാമസഭ ബഹിഷ്ക്കരിച്ചത്. പഞ്ചായത്ത് പ്രസിഡന്റ് ആയിഷ സഹദുല്ലയും വാര്‍ഡഗം താഹിറ ഇബ്രാഹിമും യോഗത്തിനെത്തിയിരുന്നു. ഇവര്‍ക്കൊപ്പം നാട്ടുകാരെ നേരിടാന്‍ ഗുണ്ടകളും ഉണ്ടായിരുന്നതായാണ് വികസന സമിതിയുടെ ആരോപണം.
വര്‍ഷങ്ങള്‍ നീണ്ട മുറവിളിക്ക് ശേഷമാണ് ചാത്തങ്കൈയില്‍ മേല്‍പ്പാലത്തിന് റെയില്‍വേ പച്ചക്കൊടി വീശിയത്. നേരത്തെ അഞ്ച്‌ലക്ഷം രൂപ കെട്ടിവെച്ചാല്‍ മതിയായിരുന്നിടത്ത് ഇപ്പോള്‍ 13.49 ലക്ഷമാണ് റെയില്‍വേക്ക് നല്‍കേണ്ടത്. എന്നാല്‍ ഈ തുക അടയക്കാന്‍ പഞ്ചായത്ത് തയ്യാറാകുന്നില്ലെന്ന് വികസനമിതി പറഞ്ഞു.
ബേക്കല്‍ ടൂറിസത്തിന്റെ ഭാഗമായി ചാത്തങ്കൈയില്‍ നിര്‍മ്മാണം തുടരുന്ന പഞ്ചനക്ഷത്ര റിസോര്‍ട്ടിലേക്ക് സംസ്ഥന പാതയില്‍നിന്ന് ഒന്നരക്കിലോ മീറ്റര്‍ നീളമുള്ള റോഡ് മതിയെന്നിരിക്കെ കോടികള്‍ ചിലവിട്ട് മേല്‍പ്പറമ്പ്-കീഴൂര്‍ വഴി 19 കിലോ മീറ്റര്‍ നീളമുള്ള റോഡ് നിര്‍മ്മിക്കുന്നത് ഖജനാവിലെ പണം ധൂര്‍ത്തടിക്കാനാണെന്നും വിക
സനസമിതി ആരോപിച്ചു. പ്രദേശത്തോട് പഞ്ചായത്ത് ഭരണസമിതി രാഷ്ട്രീയ വിരോധം തീര്‍ക്കുകയാണെന്നും സമിതി കുറ്റപ്പെടുത്തി.
ഗ്രാമസഭ ബഹിഷ്ക്കരണത്തിന് ചാത്തങ്കൈ അവകാശ സംരക്ഷണസമിതി പ്രസിഡന്റ് അഷ്‌റഫ് ചാത്തങ്കൈ, മൊട്ടമ്മല്‍ ദാമോദരന്‍ നായര്‍, എം.കെ. മുഹമ്മദലി, മൊട്ടമ്മല്‍ നാരായണന്‍ നായര്‍, ലക്ഷ്മി പന്നിക്കുന്ന് തുടങ്ങിയവര്‍ നേതൃത്വം നല്‍കി.
Keywords: Melparamba, Panchayath, Kasaragod, Grama sabha
Tags
Share this story
