Council Meeting | 'സാംസ്‌കാരിക കേന്ദ്രത്തിലേക്ക് തുടർച്ചയായി തുക നീക്കിവെക്കുന്നു'; ഭരണപക്ഷ കൗൺസിലർമാർതന്നെ എതിർത്തു; തീരുമാനം മാറ്റില്ലെന്ന് പറഞ്ഞതോടെ വോടെടുപ്പ് ആവശ്യപ്പെട്ടു; തയ്യാറാകാതെ വന്നതോടെ കാസർകോട് നഗരസഭ കൗൺസിൽ യോഗത്തിൽ വൻ ബഹളം; ഉന്തും തള്ളും വാക്കേറ്റവും; ചെയർമാനും ഭരണപക്ഷ കൗൺസിലർമാരും ഇറങ്ങിപ്പോയി

കാസർകോട്: (KasargodVartha) അണങ്കൂർ പച്ചക്കാട്ടെ നഗരസഭ നിയന്ത്രണത്തിലുള്ള സാംസ്‌കാരിക കേന്ദ്രത്തിലേക്ക് തുടർച്ചയായി തുക നീക്കിവെക്കുന്നുവെന്നാരോപിച്ച് ഭരണപക്ഷ കൗൺസിലർമാർതന്നെ രംഗത്തുവന്നത് മുസ്ലിം ലീഗിന് തിരിച്ചടിയായി. നേരത്തെ ഇതേ സാംസ്‌കാരിക കേന്ദ്രത്തിൽ നഗരസഭയുടെ ആരോഗ്യ കേന്ദ്രം തുടങ്ങാൻ തീരുമാനിച്ചപ്പോൾ തന്നെ പ്രതിഷേധം ഉയർന്നിരുന്നു. ആരോഗ്യ കേന്ദ്രം മറ്റേതെങ്കിലും സ്ഥലത്തേക്ക് മാറ്റണമെന്നായിരുന്നു ആവശ്യം. എന്നാൽ കൗൺസിലർമാരോട് പോലും ആലോചിക്കാതെ ആരോഗ്യ കേന്ദ്രം സാംസ്‌കാരിക കേന്ദ്രത്തിൽ തന്നെ തുടങ്ങുകയായിരുന്നുവെന്ന് ആക്ഷേപം നിലനിൽക്കുന്നുണ്ട്. ഉന്തും തള്ളും വാക്കേറ്റവുമുണ്ടായി. ഇതിനിടയിലാണ് ചെയർമാൻ അബ്ബാസ് ബീഗം യോഗം പിരിച്ചുവിടാതെ തന്നെ ഇറങ്ങിപ്പോയത്. ഭരണ പക്ഷത്തെ മറ്റ് കൗൺസിലർമാരും പിന്നാലെ ഇറങ്ങിപ്പോയത് അനിശ്ചിതാവസ്ഥയ്ക്ക് കാരണമായി. അതേസമയം കൗൺസിൽ യോഗം പാതിവഴിക്ക് നിർത്തിവെച്ച് പോയതല്ലെന്നും അജൻഡ മുഴുവൻ പാസാക്കിയ ശേഷമാണ് യോഗ നടപടി അവസാനിപ്പിച്ച് പോയതെന്നും ഭരണപക്ഷ അംഗങ്ങൾ വ്യക്തമാക്കി.