കേന്ദ്ര സര്‍വകലാശാല പരീക്ഷ മാറ്റിയതറിയാതെ എത്തിയ ഉദ്യോഗാര്‍ത്ഥികള്‍ വലഞ്ഞു

കാസര്‍കോട്: കേന്ദ്ര സര്‍വകലാശാലയിലെ നിയമനത്തിന് ഞായറാഴ്ച നടത്താനിരുന്ന പരീക്ഷ മാറ്റിവെച്ചത് അറിയാതെ എത്തിയ നൂറുകണക്കിന് ഉദ്യോഗാര്‍ത്ഥികള്‍ വലഞ്ഞു. തിരുവനന്തപുരം, കോട്ടയം, കൊല്ലം തുടങ്ങിയ ജില്ലകളില്‍ നിന്നടക്കം 200 ഓളം പേരാണ് പരീക്ഷയെഴുതാന്‍ കാസര്‍കോട്ടെത്തിയത്.

കൂട്ടത്തില്‍ കൈക്കുഞ്ഞുങ്ങളുമായെത്തിയ വനിതകളും ഉണ്ടായിരുന്നു. ഞായറാഴ്ച രാവിലെ വിദ്യാനഗറിലെ ചിന്മയ വിദ്യാലയത്തിലായിരുന്നു പരീക്ഷ നടക്കേണ്ടിയിരുന്നത്. പ്യൂണ്‍, ടെക്‌നിക്കല്‍ അസിസ്റ്റന്റ് തസ്തികകളിലേക്ക് സംസ്ഥാന അടിസ്ഥാനത്തിലായിരുന്നു പരീക്ഷ. ഇതിന്റെ ഹാള്‍ ടിക്കറ്റ് നേരത്തെ തന്നെ ഉദ്യോഗാര്‍ത്ഥികള്‍ക്ക് ലഭിച്ചിരുന്നു. ഇതുപ്രകാരം കൃത്യസമയത്ത് തന്നെ പരീക്ഷാ കേന്ദ്രത്തിലെത്തിയ ഉദ്യോഗാര്‍ത്ഥികള്‍ സമയം കഴിഞ്ഞിട്ടും സ്‌കൂള്‍ ഗേറ്റ് തുറന്നു കാണാത്തതിനാല്‍ അന്വേഷിച്ചപ്പോഴാണ് പരീക്ഷ മാറ്റിയ വിവരമറിഞ്ഞത്.
തുടര്‍ന്ന് ബഹളം വെച്ച ഉദ്യോഗാര്‍ത്ഥികളെ വിദ്യാനഗര്‍ എസ്.ഐയുടെ നേതൃത്വത്തിലെത്തിയ പോലീസുകാര്‍ അനുനയിപ്പിക്കുകയായിരുന്നു. പരീക്ഷ മാറ്റിയ കാര്യം സര്‍വകലാശാലയുടെ വെബ്‌സൈറ്റ് വഴി അറിയിച്ചിരുന്നുവെന്നാണ് അധികൃതര്‍ പറയുന്നത്. എന്നാല്‍ അപേക്ഷയില്‍ ഉദ്യോഗാര്‍ത്ഥികളുടെ മൊബൈല്‍ ഫോണ്‍ നമ്പര്‍ എഴുതിയിരുന്നുവെന്നും അതിലേക്ക് സന്ദേശം അയച്ചിരുന്നെങ്കില്‍ ഈ ദുരിത യാത്ര ഒഴിവാക്കാമായിരുന്നുവെന്നാണ് ഉദ്യോഗാര്‍ത്ഥികള്‍ പറയുന്നത്.
Keywords : Kasaragod, Examination, Central University, Kerala, Vidya Nagar, Hall Ticket, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News malayalam, Today news paper, Today cricket news, Malayalam hot news, Malayalam Kathakal, Live Malayalam News, News Kerala, Malayalam gulf news.