യുവാവിനെ ഇടിച്ചുവീഴ്ത്തിയ ശേഷം നിര്‍ത്താതെ പോയി; കര്‍ണാടക ട്രാന്‍സ്പോര്‍ട്ട് ബസ് ഡ്രൈവര്‍ക്കെതിരെ കേസ്

By Web Desk SNAug 27, 2017, 11:43 IST

കുമ്പള:(www.kasargodvartha.com 27/08/2017) കാല്‍നടയാത്രക്കാരനെ ഇടിച്ചുവീഴ്ത്തിയ ശേഷം നിര്‍ത്താതെ പോയ കര്‍ണാടക ട്രാന്‍സ്‌പോര്‍ട്ട് ബസിന്റെ ഡ്രൈവര്‍ക്കെതിരെ പോലീസ് കേസെടുത്തു. പെര്‍വാഡ് കടപ്പുറത്തെ അബ്ദുല്‍ ലത്വീഫി (24)നെ ഇടിച്ചാണ് ബസ് നിര്‍ത്താതെ പോയത്. പരിക്കേറ്റ ലത്വീഫിനെ മംഗളൂരുവിലെ സ്വകാര്യാശുപത്രിയില്‍ പ്രവേശിപ്പിച്ചു.

വെള്ളിയാഴ്ച രാത്രി ദേശീയപാതയില്‍ മാവിനക്കട്ടയിലാണ് അപകടമുണ്ടായത്. റോഡരികിലൂടെ നടന്നുപോവുകയായിരുന്ന ലത്വീഫിനെ ഇടിച്ചുവീഴ്ത്തിയ ശേഷം ബസ് നിര്‍ത്താതെ പോവുകയായിരുന്നു.