എരിയാലിലെ കാറപകടം: ഡ്രൈവര്‍ക്കെതിരെ കേസ്

കാസര്‍കോട്: ജൂണ്‍ ഒന്നിന് രാത്രി എരിയാല്‍ പാലത്തില്‍ കാറുകള്‍ കൂട്ടിമുട്ടി യുവാവിന് ഗുരുതരമായി പരിക്കേറ്റ സംഭവത്തില്‍ പോലീസ് കേസെടുത്തു.

മൊഗ്രാലിലെ അഷ്‌റഫിന്റെ മകന്‍ സവാദിന് (26) പരിക്കേല്‍ക്കാനിടയായ സംഭവത്തില്‍ സഹോദരി ഷംസീദ നല്‍കിയ പരാതിയിലാണ് ടൗണ്‍ പോലീസ് കേസെടുത്തത്. എം.എച്ച് 48 ക്യു 3006 നമ്പര്‍ സ്വിഫ്റ്റ് ഡിസൈര്‍ കാറിന്റെ ഡ്രൈവര്‍ക്കെതിരെയാണ് കേസെടുത്തത്.

സവാദും ഷംസീദയും സഞ്ചരിച്ച മാരുതി 800 കാറില്‍ സ്വിഫ്റ്റ് കാര്‍ ഇടിക്കുകയായിരുന്നു. അപകടം സംഭവിച്ചപ്പോള്‍ സ്വിഫ്റ്റ് കാറിലുണ്ടായിരുന്ന ഡ്രൈവറടക്കമുള്ള രണ്ടു പേര്‍ ഓടി രക്ഷപ്പെടുകയായിരുന്നു. അപകടത്തില്‍ ഗുരുതരമായി പരിക്കേറ്റ സവാദ് മംഗലാപുരത്തെ ആശുപത്രിയില്‍ ചികിത്സയിലാണ്.