എസ് എഫ് ഐ പ്രവര്‍ത്തകന് മര്‍ദനം; എ ബി വി പി പ്രവര്‍ത്തകര്‍ക്കെതിരെ കേസ്

By Web Desk SNJul 14, 2017, 20:06 IST

ചിറ്റാരിക്കാല്‍: (www.kasargodvartha.com 14.07.2017) എസ് എഫ് ഐ പ്രവര്‍ത്തകനെ മര്‍ദിച്ച സംഭവത്തില്‍ എ ബി വി പി പ്രവര്‍ത്തകര്‍ക്കെതിരെ പോലീസ് കേസെടുത്തു. എസ് എഫ് ഏരിയാ സെക്രട്ടറി സിബിന്റെ പരാതിയില്‍ എ ബി വി പി പ്രവര്‍ത്തകരായ അജേഷ്, ശരത്, രാഹുല്‍, മിഥുന്‍, സുജിത്ത്, രൂപേഷ് തുടങ്ങിയവര്‍ക്കെതിരെയാണ് ചിറ്റാരിക്കാല്‍ പോലീസ് കേസെടുത്തത്.

വ്യാഴാഴ്ച എളേരിത്തട്ട് കോളേജില്‍ എത്തിയ സിബിനെ അജേഷിന്റെ നേതൃത്വത്തിലുള്ള സംഘം മര്‍ദ്ദിക്കുകയായിരുന്നുവെന്നാണ് പരാതി. പരിക്കേറ്റ സിബിനെ നീലേശ്വരം സ്വകാര്യാശുപത്രിയില്‍ പ്രവേശിപ്പിച്ചു.