കൊടി നശിപ്പിച്ചതിന് മൂന്ന് പേര്‍ക്കെതിരെ പോലീസ് കേസെടുത്തു

By Web Desk SNDec 2, 2017, 13:40 IST

കാസര്‍കോട്: (www.kasargodvartha.com 02.12.2017) നബിദിനാഘോഷത്തിന്റെ ഭാഗമായി നെല്ലിക്കുന്നില്‍ സ്ഥാപിച്ച കൊടി നശിപ്പിച്ചതിന് മൂന്ന് പേര്‍ക്കെതിരെ കാസര്‍കോട് ടൗണ്‍ പോലീസ് കേസെടുത്തു. വെള്ളിയാഴ്ച ഉച്ചയോടെയാണ് കൊടിനശിപ്പിച്ചത്. വിവരമറിഞ്ഞ് സ്ഥലത്തെത്തിയ പോലീസ് ഒരാളെ കസ്റ്റഡിയിലെടുത്ത് ചോദ്യം ചെയ്തു.

സ്പര്‍ദ്ധയുണ്ടാക്കാന്‍ ശ്രമിച്ചതിന് സെക്ഷന്‍ 153 പ്രകാരം പോലീസ് കേസെടുത്ത് അന്വേഷണം ആരംഭിച്ചു. സംഘര്‍ഷ സാധ്യത കണക്കിലെടുത്ത് സ്ഥലത്ത് പോലീസ് പിക്കറ്റ് ഏര്‍പ്പെടുത്തി.