മുസ്ലിം ലീഗ് പതാകയും തോരണങ്ങളും തീയിട്ടുനശിപ്പിച്ച 15 സി പി എം പ്രവര്‍ത്തകര്‍ക്കെതിരെ കേസ്

നീലേശ്വരം: (www.kasargodvartha.com 28.02.2019) ഓര്‍ച്ചയില്‍ മുസ്ലിം ലീഗ് പതാകയും തോരണങ്ങളും തീയിട്ടുനശിപ്പിച്ച സംഭവത്തില്‍ 15 സി പി എം പ്രവര്‍ത്തകര്‍ക്കെതിരെ പോലീസ് കേസെടുത്തു. മുസ്ലിം ലീഗ് ഓര്‍ച്ച യൂണിറ്റ് സെക്രട്ടറി എന്‍ എം മുസ്തഫയുടെ പരാതിയിലാണ് കേസ്. തിങ്കളാഴ്ച വൈകിട്ട് പ്രദേശത്ത് ലീഗ്- സി പി എം സംഘര്‍ഷമുണ്ടായിരുന്നു. ഇതിനിടെയാണ് ലീഗിന്റെ പതാകയും തോരണങ്ങളും തീയിട്ടുനശിപ്പിച്ചതെന്നാണ് പരാതി.

എം എസ് എഫ് നീലേശ്വരം മുനിസിപ്പല്‍ സെക്രട്ടറി അബ്ദുല്‍ ബാസിത്തിനെ ഡി വൈ എഫ് ഐ പ്രവര്‍ത്തകര്‍ ആക്രമിച്ചതായി മുസ്ലീം ലീഗ് നേതാക്കള്‍ ആരോപിച്ചു.