കാര്‍ നിയന്ത്രണംവിട്ട് പാലത്തിന്റെ കൈവരി തകര്‍ത്തു; ദുരന്തമൊഴിവായത് തലനാരിഴയ്ക്ക്

By Web Desk - MainJul 1, 2019, 15:09 IST

ഉപ്പള: (www.kasargodvartha.com 01.07.2019) കാര്‍ നിയന്ത്രണംവിട്ട് പാലത്തിന്റെ കൈവരി തകര്‍ത്തു. തലനാരിഴയ്ക്കാണ് ദുരന്തമൊഴിവായത്. ഉപ്പളയില്‍ നിന്നും ബന്തിയോട്ടേക്ക് വരികയായിരുന്ന ഇന്നോവ കാറാണ് അപകടത്തില്‍പെട്ടത്. കാറോടിച്ചിരുന്ന ബന്തിയോട്ടെ ഇസ്മാഈലിന് മൂക്കിന് ഗുരുതരമായി പരിക്കേറ്റു. ഇയാളെ ബന്തിയോട് ഡി എം എ ആശുപത്രിയില്‍ പ്രവേശിപ്പിച്ചു.

തിങ്കളാഴ്ച രാവിലെയാണ് അപകടം നടന്നത്. ഇസ്മാഈല്‍ ഓടിച്ച കാര്‍ ബന്തിയോട് കുക്കാര്‍ പാലത്തിന് സമീപമെത്തിയപ്പോള്‍ എതിരെ വന്ന ലോറിയെ ഒരു ടെമ്പോ വാന്‍ മറിക്കുകയായിരുന്നു. ഇതിലിടിക്കാതിരിക്കാന്‍ വെട്ടിച്ചപ്പോഴാണ് കാര്‍ നിയന്ത്രണംവിട്ട് പാലത്തിന്റെ കൈവരിയിലേക്ക് പാഞ്ഞുകയറിയത്.