ഓട്ടോറിക്ഷയും കാറും കൂട്ടിയിടിച്ച് യാത്രക്കാരനും ഡ്രൈവര്‍ക്കും പരിക്ക്

കാഞ്ഞങ്ങാട്: (www.kasargodvartha.com 28.07.2019) ഓട്ടോറിക്ഷയും കാറും കൂട്ടിയിടിച്ച് യാത്രക്കാരനും ഡ്രൈവര്‍ക്കും പരിക്കേറ്റു. പുതിയകോട്ട ബി എസ് എന്‍ എല്‍ ഓഫീസിന് സമീപം ഞായറാഴ്ച ഉച്ചയ്ക്ക് 12.15 മണിയോടെയാണ് അപകടമുണ്ടായത്. പുതിയകോട്ടയില്‍ നിന്നും ബസ് സ്റ്റാന്‍ഡ് ഭാഗത്തേക്ക് വരികയായിരുന്ന ഓട്ടോറിക്ഷയാണ് അപകടത്തില്‍പെട്ടത്.


കാര്‍ പെട്ടെന്ന് റോഡിലേക്ക് കയറുന്നതിനിടെ ഓട്ടോറിക്ഷയുമായി കൂട്ടിയിടിക്കുകയായിരുന്നു. നിയന്ത്രണംവിട്ട ഓട്ടോറിക്ഷ സമീപത്തെ വീടിന്റെ മതിലിലിടിച്ചാണ് നിന്നത്. ഓട്ടോറിക്ഷയില്‍ നിന്നും തെറിച്ചുവീണ യാത്രക്കാരന്റെ പരിക്ക് സാരമുള്ളതാണ്. ഡ്രൈവര്‍ ചന്ദ്രഹാസ (30) നിസാരപരിക്കുകളോടെ രക്ഷപ്പെട്ടു. പരിക്കേറ്റ ഇരുവരെയും അപകടം വരുത്തിയ കാറില്‍ തന്നെ കാഞ്ഞങ്ങാട്ടെ സ്വകാര്യാശുപത്രിയിലെത്തിച്ചു.

പുതിയകോട്ട ഓട്ടോസ്റ്റാന്‍ഡിലെ ഓട്ടോറിക്ഷ ഡ്രൈവറാണ് ചന്ദ്രഹാസ.