പുത്തന്‍ കാര്‍ നിയന്ത്രണംവിട്ട് മതിലിലേക്ക് പാഞ്ഞുകയറി

By Web Desk - MainSep 11, 2019, 10:33 IST

കാസര്‍കോട്: (www.kasargodvartha.com 11.09.2019) പുത്തന്‍ കാര്‍ നിയന്ത്രണംവിട്ട് മതിലിലേക്ക് പാഞ്ഞുകയറി. യാത്രക്കാര്‍ പരിക്കേല്‍ക്കാതെ രക്ഷപ്പെട്ടു. ദേളിയില്‍ ബുധനാഴ്ച പുലര്‍ച്ചെ 2.30 മണിയോടെയാണ് അപകടമുണ്ടായത്. കോഴിക്കോട് നിന്നും ആദൂരിലേക്ക് പോവുകയായിരുന്നവര്‍ സഞ്ചരിച്ച പുത്തന്‍ ഹ്യുണ്ടായ് കാറാണ് അപകടത്തില്‍പെട്ടത്.

ദേളിയിലെ എം ടി ഫവാസിന്റെ വീട്ടുമതിലിലേക്കാണ് കാറിടിച്ചത്. ഇടിയുടെ ആഘാതത്തില്‍ കാറിന്റെ മുന്‍ഭാഗവും മതിലും പൂര്‍ണമായും തകര്‍ന്നു.