എല്ലാ എന്‍ഡോസള്‍ഫാന്‍ ഇരകളേ­യും ലിസ്റ്റില്‍ ഉള്‍പ്പെടുത്തണം

കാസര്‍­കോട്: ഒരാളെപ്പോലും വിട്ടുപോകാതെ മുഴുവന്‍ എന്‍ഡോസള്‍ഫാന്‍ ഇരകളേയും ലിസ്റ്റില്‍ ഉള്‍പ്പെടുത്തണമെന്ന് ആവശ്യപ്പെട്ടുകൊണ്ട് സാമ്രാജ്യത്വ ഫണ്ട് രഹിത എന്‍ഡോള്‍ഫാന്‍ പീഢിത ക്ഷേമ സമിതി കലക്‌ട്രേറ്റ് പടിക്കല്‍ സത്യാഗ്രഹം നടത്തി.

എന്‍ഡോസള്‍ഫാന്‍ ഇരക­ളുടെ പേരില്‍ ഒരു സംഘടന സാമ്രാജ്യത്വ ഫണ്ട് തട്ടിയെടുക്കുന്നത് അന്വേഷിക്കുക, മനുഷ്യാ­വകാശ കമ്മീഷന്റെ നിര്‍ദ്ദേശം കൃത്യമായി നടപ്പാക്കുക, വ്യക്തമായ ജൈവ കാര്‍ഷിക നയം പ്രഖ്യാപിക്കുക, മാന­ദണ്ഡങ്ങള്‍ പാലിക്കാതെ എന്‍ഡോസള്‍ഫാന്‍ ഏരിയല്‍ സ്‌­പ്രേ നടത്തിയവര്‍ക്കെതിരെ നടപടിയെടുക്കുക തു­ടങ്ങിയ ആവശ്യങ്ങളും ഉന്നയിച്ചാണ് സത്യാഗ്രഹം.

എന്‍ഡോസള്‍ഫാന്‍ ബാധിതരുടെ അമ്മയായ ഷക്കീല ബഷീര്‍, മാധവി അമ്മ എം. പി., കെ. ബീ­ഫാ­ത്തിമ്മ , തീയ്യത്തി നാരായണി എന്നിവര്‍ കൂട്ടായി മെഴുകുതിരി ജ്വലിപ്പിച്ച്‌കൊ­ണ്ട് സത്യാഗ്രഹം ഉദ്ഘാടനം ചെയ്തു.

ഡോ. ടി. എം. സുരേന്ദ്രനാഥ് അദ്ധ്യക്ഷത വഹിച്ചു.   അഹ്മദ് പൂച്ചക്കാട് സ്വാഗതം പ­റഞ്ഞു. മൂസ പാട്ടില്ലത്ത്, പി. രാമചന്ദ്രന്‍ നായര്‍, ഇ കെ. സുബൈര്‍, പി. കെ .ഗോപി മടിക്കൈ, എം. കുഞ്ഞിരാമന്‍, എം. ഗോപാലന്‍ ചീ­മേനി എന്നിവര്‍ പ്ര­സം­ഗിച്ചു . ജോണി പുതുക്കൈ കൃത്യജ്ഞത രേഖപ്പെടുത്തി.


Keywords: Endosulfan, Collectorate, Fund, Kasaragod, Cheemeni