വൈദ്യുതി ചാര്‍ജ്ജ് വര്‍ദ്ധനവില്‍ നിന്ന് സര്‍ക്കാര്‍ പിന്‍തിരിയണം: കേബിള്‍ ടി.വി അസോസിയേഷന്‍

ഏറ്റവും കൂടിയ നിരക്കാണ് നിലവില്‍ ബോര്‍ഡ് ഈടാക്കുന്നത്. പു­തുക്കിയ നിരക്ക് പ്രകാരം വന്‍ വര്‍ദ്ധനവാണ് കേബിള്‍ ടിവിയെ കാത്തിരിക്കുന്നത്. സാധാരണക്കാരന്റെ നട്ടെല്ലൊടിക്കുന്ന സമീപനമാണ് വൈദ്യുതി ചാര്‍ജ്ജ് വര്‍ദ്ധനവിലൂടെ സര്‍ക്കാര്‍ നടപ്പിലാക്കുന്നതെന്ന് അസോസിയേഷന്‍ കുറ്റപ്പെടുത്തി.

ചെറുകിട വ്യവസായമായി അംഗീകരിച്ച് 7 എ സ്ലാബ് കുറക്കണമെന്ന ആവശ്യത്തിന്‍മേല്‍ ഇരുട്ടടിയാണ് ചാര്‍ജ്ജ് വര്‍ദ്ധനവിലൂടെ ഈ മേഖല നേരിടുന്നത്. കേബിള്‍ ടിവി വരിസംഖ്യ വര്‍ദ്ധിപ്പിക്കാന്‍ ഇടയാക്കുന്ന ചാര്‍ജ്ജ് വര്‍ദ്ധനവില്‍ നിന്ന് സര്‍ക്കാര്‍ പിന്‍തിരിയണമെന്ന് സി.ഒ.എ സംസ്ഥാന കമ്മിറ്റി അംഗങ്ങളായ എന്‍.എച്ച്.അന്‍വര്‍, എം.ലോഹിതാക്ഷന്‍, കെ.സി.സി.എല്‍ എം.ഡി. കെ.വിജയകൃഷ്ണന്‍, ജില്ലാ പ്ര­സിഡന്റ്‌ ശുക്കൂര്‍ കോളിക്കര, സെക്രട്ടറി. സതീഷ്.കെ.പാക്കം എന്നിവര്‍ ആവശ്യപ്പെട്ടു.

Keywords: Cable TV Association, Electricity charge, Protest, Kasaragod